Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda múmkindigi shekteýli jandar jańa kreslo-arbamen qamtamasyz etilip jatyr

2020 jyldyń 27 qarasha 2020 10:40

NUR-SULTAN. QazAqparat - Qazaqstannyń birqatar óńirinde múgedektigi bar adamdarǵa elektr jetegi bar kreslo-arba berile bastady. Bul jóninde Eńbek jáne halyqty áleýmettik qorǵaý mınıstrligine silteme jasap QazAqparat habarlaıdy.

Jyl sońyna deıin oblysta r jáne respýblıkalyq mańyzy bar qala lar da eresekter men erekshe qajettiligi bar balalarǵa arnalǵan 1381 arba jetkizý josparlanyp otyr.

Múgedekter arbasyn óndirýshi «Tynys» AQ «Qazaqstan Injınırıng» UK enshiles uıymy bolyp tabylady. Taýar óndirý kezinde qazaqstandyq qamtý úlesi 75% quraıtynyn atap ótý kerek. Jalpy salmaǵy - 75 keli, júrý qashyqtyǵy - 25 shaqyrymnan asady, júk kóterýi - 140 kelige deıin. Bul - qazaqstandyq konstrýktorlardyń ózderi qurastyrǵan ónim.

Búgingi kúni memlekettik tapsyrysty oryndaý sheńberinde jetkizýshi 817 kreslo-arbany elimizdiń 12 oblysyna (Aqtóbe, Almaty, Atyraý, ShQO, Jambyl, BQO, Qostanaı, Qyzylorda, Mańǵystaý, Pavlodar, SQO, Túrkistan) jáne Nur-Sultan, Shymkent qalalaryna jóneltti.

Jyldyń sońyna deıin taǵy 564 elektr jetegi bar kreslo-arbany jetkizý josparlanǵan.

Bul shara erekshe qajettilikteri bar azamattarǵa yńǵaıly jáne óz betinshe qozǵalýǵa múmkindik beredi, bul olardyń áleýmettenýin arttyrady.


Joǵary qaraı