Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda muraǵat salasynda jeke vedomstvo qurylýy múmkin

2020 jyldyń 24 qarasha 2020 16:20

NUR-SULTAN. QazAqparat - Qazaqstanda muraǵat salasynda jeke vedomstvo qurý máselesi pysyqtalyp jatyr. Bul jaıynda Senat depýtattarynyń resmı saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«Qazirgi ýaqytta Úkimet muraǵat salasynda jeke vedomstvo qurý máselesin pysyqtap jatyr. Bul máselege qatysty sheshim qosymsha habarlanatyn bolady. Jalpy, muraǵat salasyn damytý máselesi Úkimettiń turaqty nazaryna alynǵan», - dedi Asqar Mamın.

Sonymen qatar ol Qazaqstan Úkimeti zamanaýı muraǵat qyzmetin qurýǵa aıryqsha mán beretindigin basa aıtady.

«Atap aıtqanda, mamandyq mártebesin arttyrý úshin 2020 jyldyń 1 qańtarynan bastap respýblıkalyq pen óńirlik muraǵattardyń 2 myńnan astam qyzmetkeriniń jalaqysy tıisinshe 50 jáne 35 paıyzǵa kóterildi. Bul maqsatqa 2020-2022 jyldarǵa arnalǵan respýblıkalyq bıýdjette 2,8 mlrd teńge kózdelgen», - dedi Premer-Mınıstr.


Joǵary qaraı