Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda «mýzyka oınaıtyn jol» paıda boldy

2020 jyldyń 28 qazan 2020 12:00

NUR-SULTAN. QazAqparat – «Nur-Sultan—Shortandy» avtomobıl jolynda mýzykalyq shý týdyratyn jolaqtar ornatyldy. Mundaı tehnologııa Qazaqstanda alǵash ret qoldanylyp otyrǵanyn aıtyp ótken jón, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine siltememen.

«QazAvtoJol» UK» AQ jasaǵan pılottyq joba jol júrý qaýipsizdigi salasyna jańa tehnologııalardy engizý aıasynda iske qosylǵan. Ony júzege asyrý barysynda Germanııa, Koreıa, AQSh pen Japonııa elderiniń tájirıbesi eskerildi.

«Mýzykalyq joldar» júrgizýshilerge tótenshe qaýipti ýchastkelerde jyldamdyqty azaıtýǵa kómektesedi. Áýen avtokóliktiń dóńgelekteri men sýyq plastıkten jasalǵan shý belgisi janasqanda shyǵady. Kólik shý jolaǵynan 90 km/saǵ jyldamdyǵymen júrgen jaǵdaıda, áýen dybysty ózgertedi. Osylaısha júrgizýshiniń nazaryn aýdaryp, júrý jyldamdyǵyn azaıtýǵa áser etedi.




Eksperımenttiń nátıjesi boıynsha «QazAvtoJol» UK» AQ keler jyly ózge de respýblıkalyq joldarǵa mýzykalyq jolaqtar ornatpaq.

Shý jolaqtary – bederli syzyqtar túrindegi arnaıy jol belgisi. Mundaı jolaqtar jyldamdyqty asyrý, sharshaý men rólde uıyqtap qalý sebebinen bolatyn jol-kólik oqıǵasyn boldyrmaý maqsatynda salynady. Olardyń ústimen ótkende diril paıda bolyp, júrgizýshilerdiń jınaqtalýyna kómektesedi.














Joǵary qaraı