Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda nashaqorlyqqa qarsy kúres aılyǵy bastaldy

2022 jyldyń 27 mamyr 2022 21:17

NUR-SULTAN. QazAqparat – Qazaqstanda nashaqorlyqqa qarsy kúres aılyǵy bastaldy, dep habarlaıdy QazAqparat.

Búgin QR Premer-Mınıstriniń orynbasary Eraly Toǵjanovtyń tóraǵalyǵymen nashaqorlyqqa qarsy kúres aılyǵynyń resmı ashylýy ótti. Shara 26 maýsym – Halyqaralyq nashaqorlyqqa jáne esirtkiniń zańsyz aınalymyna qarsy kúres kúnine oraı uıymdastyryldy.

Jıynǵa ishki ister vıtse-mınıstri Erjan Sádenov, ortalyq jáne jergilikti atqarýshy organdardyń, qoǵamdyq jáne úkimettik emes uıymdardyń ókilderi, volonterler qatysty.

«Memleket basshysy Qasym-Jomart Toqaev Qazaqstan halqyna Joldaýynda esirtkiniń, onyń ishinde sıntetıkalyq esirtkiniń taralýy bolashaq urpaqtyń ál-aýqatyna qaýip tóndiretinin atap ótti. Esirtkisiz qoǵam qurý – Qazaqstannyń árbir azamatynyń aldyndaǵy mindet. 11 mamyrda biz Esirtki qylmysyna qarsy is-qımyl jáne nashaqorlyqtyń aldyn alý sharalaryn jetildirý jónindegi 2022-2023 jyldarǵa arnalǵan jol kartasyn bekittik. Aldyn alý – nashaqorlyq pen esirtki bıznesine qarsy is-qımyl júıesindegi eń basty element. Kúsh biriktirýdiń arqasynda biz óskeleń urpaqqa oń yqpal etip, salaýatty bolashaqty qamtamasyz etetinimizge senimdimin», — dedi Eraly Toǵjanov.

Óz kezeginde Erjan Sádenov esirtkimen kúres boıynsha Іshki ister mınıstrligi júrgizip jatqan jumystarǵa toqtalyp, olardyń nátıjesimen bólisti.

«Elimizde jyl basynan beri barlyǵy esirtkige qatysy bar 1 400 quqyq buzýshy ustaldy. 600-ge jýyq ákimshilik quqyq buzýshylyq jáne 1 800-ge jýyq qylmystyq áreket anyqtaldy. Sondaı-aq zańsyz aınalymnan eki tonnaǵa jýyq esirtki zaty tárkilendi», — dedi vıtse-mınıstr Erjan Sádenov.

Esirtkige qarsy aılyqty ótkizý barlyq azamattardy, olardyń ishinde kámeletke tolmaǵandar men jastardy aldyn alý is-sharalarymen keńinen qamtýǵa baǵyttalǵan.

Esirtkini tutynýdyń aldyn alýdyń ózekti jáne problemalyq máseleleri boıynsha pedagogtermen, psıhologtarmen, pedıatrlarmen, ata-analarmen semınar-keńester men dárister ótkizý josparlanǵan.

Aılyq 26 mamyr - 26 maýsym aralyǵynda elimizdiń barlyq óńirinde ótkiziledi.

Shara sońynda jastar arasynda nashaqorlyqtyń aldyn alý boıynsha qoǵam, ÚEU, BAQ ókilderi men blogerlerge arnalǵan semınar-trenıng ótkizildi.


Joǵary qaraı