Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda oqýshylardyń 86% qalypty rejımde bilim alýda – QR BǴM

2021 jyldyń 20 qazan 2021 14:25

NUR-SULTAN. QazAqparat – QR Bilim jáne ǵylym birinshi vıtse-mınıstri Sholpan Karınova bıylǵy oqý jylynyń alǵashqy toqsanyn qorytyndylady, dep habarlaıdy QazAqparat tilshisi.

«Kúzgi kanıkýl jaqyndap keledi. Osy aptada mektepterde bólim úshin jıyntyq baǵalaý (BJB) jalǵasýda. Kelesi aptada barlyq negizgi pánder boıynsha TJB ótkiziledi. Birinshi toqsan úshin qorytyndy baǵalar kelesi aptada qoıylady. Kúzgi demalys 1 qarashada bastalyp, 7 qarashaǵa deıin jalǵasady. Aıta ketý kerek, bıylǵy oqý jylynda mektepterdiń 30%-ynda oqý protsesi bir aýysymda, mektepterdiń 68%-ynda eki aýysymda jáne balalar kontıngenti kóp jáne oqýshy oryndarynyń tapshylyǵy bar mektepterdiń 2%-ynda oqý protsesi úsh aýysymda uıymdastyryldy», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, búgingi kúni qalypty rejımde 86,4%, aralas formatta 11,6% jáne ata-analardyń ótinishimen 0,6 % bala qashyqtan bilim alyp jatyr. Mektepterdi aýysym boıynsha jeńildetý úshin ár mektepke jeke pánderdi nemese jeke saǵattardy qashyqtan oqytý arqyly aralas oqytýdy uıymdastyrý quqyǵy beriledi. Bul múmkindikti negizinen Nur-Sultan, Almaty, Shymkent qalalarynyń, Almaty jáne Túrkistan oblystarynyń mektepteri paıdalanady.

«Bıylǵy oqý protsesi ótken jyldary jiberilgen olqylyqtardyń ornyn toltyrýdy eskere otyryp uıymdastyryldy. Bul jumys Y. Altynsarın atyndaǵy Ulttyq bilim akademııasy daıyndaǵan ádistemelik usynymdar boıynsha júrgiziledi, neǵurlym kúrdeli taqyryptar tańdaldy. Sabaqtardy muǵalimder óz páni boıynsha jeke uıymdastyrady», - dedi vıtse-mınıstr.


Joǵary qaraı