Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda óndiristik jaraqattaný deńgeıi 2,5 paıyzǵa azaıdy – Eńbek mınıstrligi

2022 jyldyń 24 qańtar 2022 09:48

NUR-SULTAN. QazAqparat - 2021 jyldyń qorytyndysy boıynsha óndiristik jaraqattaný deńgeıi 2020 jylmen salystyrǵanda 2,5% - ǵa azaıdy, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Ótken jyly óndiristegi jazataıym oqıǵalardyń saldarynan 1 465 qyzmetker zardap shekken, olardyń 200-i qaza tapty.

Osylaısha, 2021 jyly jazataıym oqıǵalardyń jıilik koeffıtsıenti 1000 adamǵa shaqqanda 0,22 (2020 jyly – 0,23) qurady.

Óndiristik jaraqattanýdyń joǵary deńgeıi Qaraǵandy (238 adam zardap shekti), Shyǵys Qazaqstan (204 adam), Qostanaı (122 adam), Pavlodar (114 adam), Aqtóbe (107 adam) oblystary men Almaty qalasyndaǵy (107 adam) kásiporyndarda saqtaldy.

Ekonomıka salalary boıynsha zardap shekkenderdiń eń kóp sany taý-ken metallýrgııa kesheni kásiporyndarynda – 18,8% (276 adam) jáne qurylys salasynda – 11,3 % (167 adam) baıqalady.


Joǵary qaraı