Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda órt oqıǵalary 7,8 paıyzǵa azaıdy – TJM

2021 jyldyń 22 qyrkúıek 2021 15:29

NUR-SULTAN. QazAqparat – Bıyl elimizde órt oqıǵalary azaıǵan. Jalpy órttiń negizigi bóligi turǵyn úı sektory men kólikterde bolady.

Bul týraly QR Tótenshe jaǵdaılar mınıstrligi Órtke qarsy qyzmet komıteti basqarma tóraǵasynyń mindetin atqarýshy Tileýberdi Mádıev málim etti, dep habarlaıdy QazAqparat tilshisi.

«Qutqarý mamandary ártúrli sıpattaǵy tótenshe jaǵdaılardy joıýǵa kún saıyn orta eseppen 100-150 ret shyǵady. Bıylǵy jyldyń 8 aıynda 7 myńnan astam órt bolyp, 1 myńnan astam adam qutqaryldy. Ókinishke qaraı, órt kezinde 217 adam jaraqat alyp, 251 adam qaıtys boldy. Jalpy, elimizde órt sanynyń 7,8% azaıǵany baıqalady. Onyń ishinde turǵyn úı sektorynda 12,6%-ǵa azaısa, baqylanatyn nysandardaǵy órt 1,5%-ǵa deıin tómendegen», - dedi T. Mádıev Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, órttiń 58 paıyzy turǵyn úı sektorlarynda bolsa, 18 paıyzy kólikpen baılanysty.

«Sonymen qatar bıyl dala órti úlesiniń de 19,3%-ǵa deıin azaıǵanyn baıqap otyrmyz. Sonyń 11,9% paıyzy ormanda tirkelgen. Negizi zańnamaǵa sáıkes, orman qoryn qorǵaý Ekologııa mınıstrliginiń Orman sharýashylyǵy komıtetine júktelgen. Sol sııaqty dalalyq jer jergilikti atqarýshy organdardyń jaýapkershilik aımaǵy», - deıdi ol.

Odan bólek, TJM ókili órttiń aldyn alýǵa arnalǵan keshendi sharalarǵa toqtalyp ótti.

«Bizdiń qyzmetkerler órt jáne basqa tótenshe jaǵdaılardyń aldyn alý jumystaryn júıeli túrde júrgizip keledi. Osy oraıda bıyl órt qaýipsizdigine qatysty 14 myńǵa jýyq birlesken reıd júrgizildi. Nátıjesinde aýyl sharýashylyǵy alqaptarynda qurǵaq shóptiń baqylaýsyz janýy, orylǵan shópti órteý jáne basqa da órt qaýipsizdigi erejelerin buzǵany úshin 3 125 adam ákimshilik jaýapqa tartyldy. Halyq arasyndaǵy profılaktıkalyq jumys óz jalǵasyn tabady», - dedi Tileýberdi Mádıev.


Joǵary qaraı