Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda pandemııa kezinde qansha medıtsına qyzmetkeri kóz jumdy

2020 jyldyń 3 shilde 2020 13:05

NUR-SULTAN. QazAqparat – Pandemııa bastalǵaly beri Qazaqstanda 18 medıtsınalyq qyzmetker qaıtys bolǵan. Bul týraly QR bas memlekettik sanıtar dárigeri Aıjan Esmaǵambetova málim etti, dep habarlaıdy QazAqparat tilshisi.

«Ondaı qaıǵyly oqıǵanyń 18 jaǵdaıy tirkeldi», - dedi Aıjan Esmaǵambetova OKQ-daǵy baspasóz máslıhatynda tilshilerdiń suraǵyna jaýap bere otyryp.

Aıjan Esmaǵambetovanyń aıtýynsha, bul jaǵdaılardyń bári birdeı KVI-men baılanysty emes.

«Alaıda, olardyń arasynda COVID-19 aýrýyn juqtyrǵandarǵa kómek kórsetkender de bar», - dedi Aıjan Esmaǵambetova.

Jalpy, qazirgi ýaqytta Qazaqstanda koronavırýs ınfektsııasyn juqtyrǵan adamdardyń 11,5 paıyzy – medıtsınalyq qyzmetkerler. Taǵy 492 medqyzmetker pnevmonııamen aýyrǵan. 511 medıtsınalyq qyzmetker emin jalǵastyrýda.

Eske sala ketsek, buǵan deıin QR densaýlyq saqtaý vıtse-mınıstri Ajar Ǵınııat jedel járdem qyzmetkerleri shaqyrtý túsken jaǵdaıda jaǵymsyz jaǵdaılarmen jıi kezdesip jatqanyn málim etken edi. Jalpy mınıstrlik olardyń jumysyna túsinistikpen qaraýǵa shaqyryp otyr.


Joǵary qaraı