Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda poıyz bıletterin satatyn saıt ınternetsiz jumys isteıdi

2022 jyldyń 8 qańtar 2022 03:10

NUR-SULTAN. QazAqparat - Temir joldyń boıyndaǵy ınfraqurylym nysandary jappaı tártipsizdik kezinde zardap shekken joq, dep habarlaıdy QazAqparat «Qazaqstan temir joly» kompanııasyna silteme jasap.

Aıta keteıik, elimizde búkil jolaýshylar jáne júk poıyzdarynyń qozǵalysy tolyq qalpyna keldi.

Qazirgi tańda saparǵa shyǵýǵa asyqqan jolaýshylar sany artqan. Osylaısha jolaýshylar vagondarynyń tolýy 90 paıyzdan asyp ketti.

Sondyqtan QTJ qosymsha poıyzdardy iske qosatyn boldy.

7 qańtardan bastap kompanııa temir jol bıletin Bilet.railways.kz saıtynda jáne Kaspi.kz qosymshasynda ınternetsiz satyp alýǵa múmkindik berdi.

Bul jańalyq vokzaldarda kassa aldyndaǵy uzynsonar kezekti azaıtýǵa yqpal etti.

Sondaı-aq atalǵan saıt arqyly kez kelgen baǵytqa bılettiń bar-joǵyn bilýge bolady.

Temir jol ınfraqurylymyna tıesili 15 myńnan astam nysan tolyq saqtalǵan, strategııalyq ǵımarattar zardap shekken joq.

Kompanııanyń sý, jaryq, jylýmen jáne baılanyspen qamtıtyn vokzal sharýashylyqtary qalypty jumys istep tur.


Avtor Janat Qapalbaeva
Basty sózder: Poıyz, Kólik, Internet, Oqıǵa, QTJ,
Joǵary qaraı