Aýa raıy
Astana -23 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda satylǵan jańa kóliktiń ortasha quny qansha

2020 jyldyń 28 qarasha 2020 13:10

NUR-SULTAN. QazAqparat – Bıylǵy qańtar-qazan aılarynda Qazaqstanda 70 myńnan astam jańa kólik satyldy. Bul týraly «QazAvtoÓnerkásip» avtokólik salasyndaǵy kásiporyndar odaǵynan málim boldy, dep habarlaıdy QazAqparat tilshisi.

«Esepti kezeńde qazaqstandyqtar 633,6 mlrd teńgege 70 549 jańa jeńil jáne jeńil kommertsııalyq avtokólik satyp aldy. Bul kólikterdiń ortasha quny 10,5 mln teńge bolyp, ótken jyldyń sáıkes kezeńine qaraǵanda 16,3 paıyzǵa ósti», - delingen taratylǵan málimetti

Atap aıtqanda, naryqta Qazaqstanda shyǵarylǵan kólikterdiń baǵasy tómendeý bolyp tur. Elimizde qurastyrylǵan avtomobılderdiń ortasha baǵasy 7,6 mln teńge bolsa, al ımporttyq kólikterdiń ortasha quny 13,7 mln teńge shamasynda tirkeldi.

10 aıdyń qorytyndysy boıynsha kólik satyp alýshylardyń tórtten birinen astamy (31,7 paıyzy) 5 mln teńgeden qymbat emes avtomobıldi tańdaǵan. Bir jyl buryn bul segment naryqtyń 27,3 paıyzyn qamtyǵan edi.

5-7 mln teńge turatyn tehnıkanyń 22,4 paıyzy (15 824 kólik) ótkizildi. Satyp alýshylardyń 15 paıyzy 7-10 mln teńge somasyndaǵy (10 585) avtokólikti aldy.

Al bıznes (10-15 mln teńge) ári premıým-sanattaǵy (15 mln teńgeden joǵary) segmentterge sáıkesinshe 20 paıyz (14 138 kólik) jáne 10,8 paıyz (7 618) tıesili boldy. 10 mln teńgeden qymbat tehnıkanyń jalpy úlesi 7,2 paıyzdyq pýnktige tómendegenimen, burynǵysynsha bastapqy naryqtyń úshten birin qamtyp tur.

Quny jaǵynan tómen avtomobıldiń TOR-10 qataryna Chevrolet Nexia (3,2 mln teńge), Lada Granta (3,7 mln teńge), Ravon R2 (3,8 mln teńge),

Chevrolet Cobalt (4,2 mln teńge), Lada 4x4 (4,3 mln teńge), JAC S3 (5 mln teńge), Chevrolet Niva (5,2 mln teńge), Lada Largus (5,3 mln teńge), Renault Logan (5,7 mln teńge) jáne UAZ Patriot Pickup (6,8 mln teńge endi.


Avtor Rýslan Ǵabbasov
Basty sózder: Statıstıka, Kólik,
Joǵary qaraı