Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda shamamen 800 adam koronavırýsty qaıta juqtyryp aldy

2021 jyldyń 16 maýsym 2021 13:06

NUR-SULTAN. QazAqparat – Qazaqstanda shamamen 800 adam koronavırýsty qaıta juqtyryp aldy. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Eger adam bir ret aýyrsa, qaıtadan aýyrmaıdy degen túsinik múldem qate. Muny túsinýimiz qajet. Qazaqstanda qazirgi ýaqytta shamamen 800 adam koronavırýspen qaıtadan aýyryp qalǵan. Olar vaktsına almaǵan bolatyn. Jalpy, bul tek Qazaqstanda ǵana emes ózge de elderge tán úrdis. Eýropada jáne ózge de elderde myńdaǵan adam qaıtadan aýyryp jatyr», - dedi mınıstr Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, ózińdi jáne janyńdaǵy adamdardy qorǵaý úshin vaktsına alǵan durys. Ásirese, birinshi kezekte 60 jastan asqan jáne sozylmaly aýrýlary bar azamattar ekpe alǵany jón.

«Biz barlyq azamattarǵa ekpeni belsendi túrde alýǵa keńes beremiz. Infraqurylymdyq turǵyda alǵanda Qazaqstannyń árbir óńirinde, tipti saýda ortalyqtarynda ekpe pýnktteri ashylǵan. Ózderińiz de dúrbeleń joq ekenin kórip otyrsyz. Elimizdiń barlyq azamaty tegin vaktsınanyń tıesili dozany emin-erkin saldyra alady», - dedi Alekseı Tsoı.


Joǵary qaraı