Aýa raıy
Astana 9 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda shekaradan ótý tártibi ózgerdi

2020 jyldyń 20 maýsym 2020 16:01

NUR-SULTAN. QazAqparat - Karantındik shekteýler kezinde memlekettik shekarany kesip ótý tártibine ózgerister engizildi, dep habarlaıdy QazAqparat QR Ulttyq qaýipsizdik komıtetine silteme jasap.

«Qazaqstan Respýblıkasy Úkimetiniń sheshimimen QR azamattaryna tikeleı áýe qatynasy qaıta ornatylǵan shet memleketterge shyǵýǵa jáne atalǵan elderdiń azamattaryna Qazaqstan Respýblıkasyna kirýge ruqsat beriledi. Sheteldikter úshin negizgi shart – vızalyq talaptardy saqtaý, Qazaqstan Respýblıkasyna tikeleı áýe qatynasy qaıta ornatylǵan memleketterdiń azamaty bolýy jáne osy memleketten tikeleı reıspen júrýi tıis. Osy tártipke sáıkes elge kirýge ruqsat etilgen sheteldikter de QR amaǵyna kirý úshin tikeleı áýe reısterin paıdalana alady», - delingen QR UQK habarlamasynda.

Budan basqa, Qazaqstan Respýblıkasynyń Memlekettik shekarasynan ótýge:

- Qazaqstan Respýblıkasyna ekıpajdan tys aýysymǵa bara jatqan, teńiz kemeleriniń qyzmetkerleri quramynan turatyn sheteldik azamattarǵa – teńiz (ózen) kemeleriniń qyzmetkerleri quramyna qatysy men mártebesin dáleldeıtin tıisti qujattary bolǵan jaǵdaıda;

- Qazaqstan Respýblıkasynda aýylsharýashylyq qyzmetimen aınalysatyn taýar ıelerine - aýylsharýashylyq qyzmetin júzege asyrýdy rastaıtyn qujattar bolǵan jaǵdaıda (Qazaqstan Respýblıkasy Aýyl sharýashylyǵy mınıstrligi bekitken tizim men úlgi qujattaryna sáıkes);

- sheteldik oqý oryndarynda oqyp júrgen Qazaqstan Respýblıkasynyń kámelet jasqa tolmaǵan azamattaryn ertip júretin ata-analaryna (qorǵanshylary nemese qamqorshylaryna), sondaı-aq olardyń stýdenttik vızalaryn uzartý, stýdenttik ID-kartalaryn rásimdeý, emtıhan (test) tapsyrý úshin - sheteldik bilim berý mekemesiniń shaqyrýy jáne osy maqsattarmen shet elge kirýge resmı ruqsaty bolǵan jaǵdaıda ruqsat etilgen.

Elden shyqqan kezde Qazaqstan Respýblıkasynyń azamattary qoldanystaǵy shekteýlerdi jáne sapar josparlanǵan elge kirý múmkindigin óz betinshe anyqtaýy qajet.


Joǵary qaraı