Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda shomylýǵa ruqsat etilgen oryndardyń tizimin qaıdan kórýge bolady

2021 jyldyń 29 shilde 2021 13:45

NUR-SULTAN. QazAqparat – Qazaqstan aýmaǵyndaǵy shomylýǵa tyıym salynǵan jáne ruqsat etilgen oryndardyń tizimin 2GIS kartografııalyq platformasynan kórýge bolady, habarlaıdy QazAqparat tilshisi.

Azamattyq qorǵanys jáne áskerı bólimder komıtetiniń tóraǵasy Baýyrjan Syzdyqovtyń aıtýynsha, sý aıdandarynyń qaı bóliginde sýǵa shomylý ruqsa etilgenin ınternetten 2GIS platformasyna kirip-aq bilýge bolady.

«2GIS kartografııalyq platformasynda elimizdiń barlyq óńirlerinde sý aıdyndarynda shomylýǵa tyıym salynǵan jáne ruqsat etilgen oryndar týraly derekter ornalastyrylǵan. Ákimdikterdiń saıttarynda da osyndaı jumystar júrgizildi, BAQ quraldary arqyly shomylý úshin qaýipti, tyıym salynǵan oryndar týraly derekter merzimdi túrde ornalastyrylady», - dedi komıtet basshysy ortalyq kommýnkatsııalar qyzmetinde ótken brıfıngide.

Baýyrjan Syzdyqov shomylý basýsymy bastalǵan kezden beri qutqarýshylardyń 4,6 myńnan astam balany júzýge úıretkenin aıtady.

«Qalalyq jaǵajaılarda shomylýǵa arnalǵan qaýipsiz balalar jaǵajaılary (taıaz sýlar) jabdyqtalǵan. Onda qutqarýshylar shomylý maýsymynyń barlyq kezeńinde balalardy júzý daǵdylaryna úıretý boıynsha jumys júrgizedi. Búginge deıni 4 625 bala qamtyldy», - deıdi TJM ókili.


Joǵary qaraı