Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda sońǵy aptada 12 kisi óltirý qylmysy ashyldy

2021 jyldyń 26 shilde 2021 17:10

NUR-SULTAN. QazAqparat – Elimizde ótken apta ishinde 12 adam óltirý qylmysy ashyldy. Bul týraly QR Іshki ister mınıstrliginiń ókili Shuǵyla Berikqyzy málim etti, dep habarlaıdy QazAqparat tilshisi.

«Ótken aptada el aýmaǵynda 3226 qylmys jasaldy, onyń 2225-i táýlik ishinde ashyldy. Polıtsııa qyzmetkerleri «izin sýytpaı» 12 kisi óltirýdi, 8 ólimge ákep soqqan densaýlyqqa qasaqana aýyr zııan keltirýdi, 2 qaraqshylyq, 44 tonaý jáne 466 bóten múlikti urlaý qylmysyn ashty», - dedi Sh. Berikqyzy ІІM-de onlaın ótken baspasóz máslıhatynda.

Odan bólek, baspasóz máslıhatynda eldegi turmystyq zorlyq-zombylyq máselesi kóterildi.

Mınıstrlik ókiliniń aıtýynsha, atalǵan problemaǵa qatysty zańnama 2009 jyly qabyldanyp, sodan beri oǵan 12 márte tolyqtyrý men ózgertýler engizildi.

Óz kezeginde QR ІІM Ákimshilik polıtsııa komıteti tóraǵasynyń orynbasary Alekseı Mılıýk elimizde turmystyq zorlyq-zombylyqqa qatysty jaýapkershiliktiń kúsheıtiletinin aıtty.

«Qoldanystaǵy zańnamaǵa sáıkes, quqyq qorǵaý organdary ákimshilik isti zardap shegýshiniń ótinishinsiz de júrgize alady. Degenmen, otbasylyq zorlyq-zombylyq kórgen áıel, ıaǵnı zardap shegýshi, kóp jaǵdaıda kúıeýine psıhologııalyq, qarjylyq jaǵynan táýeldi bolǵandyqtan máseleni ýshyqtyrǵysy kelmeı, tatýlasýǵa kelisimin beredi. Ótken jyly bizge el boıynsha turmystyq zorlyq-zombylyq qurbanymyn dep jazylǵan 190 myń ótinish kelip tústi. Sonyń tórtten biri ǵana sotqa deıingi tergeýge jiberildi. Jalpy, zorlyq-zombylyqqa qatysty ákimshilik is júrgizýdiń 60 paıyzy eki jaqtyń tatýlasýyna baılanysty toqtaıdy. Osy oraıda biz turmystyq zorlyq-zombylyq oryn alǵan jaǵdaıda eki jaqtyń tatýlasý protsesin qaıta qaraýdy qolǵa alyp jatyrmyz. ıAǵnı, aldaǵy ýaqytta kúıeýi tarapynan áıeline qol kóterý qaıtalanǵan jaǵdaıda tatýlasýǵa ruqsat bermeý josparda bar», - deıdi ol.


Avtor Álı Ibraev
Basty sózder: Oqıǵa, Zań, QR ІІM, Statıstıka,
Joǵary qaraı