Aýa raıy
Astana -3 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstanda sońǵy segiz jylda 14 terakt jasaldy

2019 jyldyń 18 qyrkúıek 2019 17:33

ALMATY. QazAqparat- Almatydaǵy Shet tilderi pedagogıkalyq kolledjiniń stýdentterine zaıyrly qoǵamdaǵy ıslam dininiń róli, dinı ekstremızm men terrorızmniń aldyn alý jumystary túsindirildi, dep habarlaıdy QazAqparat tilshisi.

Almaty qalalyq qoǵamdyq damý basqarmasynyń uıymdastyrýmen shahardaǵy JOO men kolledj stýdentterine ekstremızm men terrorızmniń aldyn alý jumystary túsindirilýde. Arnaıy qurylǵan aqparattyq top músheleri jastarǵa bir saǵat dáris oqyp, stýdentterdiń din salasyna qatysty suraqtaryna jaýap beredi.

Ál-Farabı atyndaǵy QazUÝ dintaný jáne mádenıettaný kafedrasynyń aǵa oqytýshysy Elnar Berikbaev Shet tilderi pedagogıkalyq kolledjiniń stýdentterine zaıyrly qoǵamdaǵy ıslam dininiń rólin túsindirip, dinı ekstremızm men terrorızmniń qaýpin aıtty.

«Resmı derek boıynsha búginde elimizde 15 myńdaı azamat teris dinı aǵymnyń jeteginde júr. Sońǵy 8 jylda elimizde 14 terakt bolǵan, saldarynan 90 adam qaza tapty. 32 adam lańkestik boıynsha ómir boıyna bas bostandyǵynan aıyrylsa, taǵy 50-deı adam jazasyn óteýde. Sondyqtan terrorızmge qarsy kúreste azamattarymyzǵa óz qundylyqtarymyzdy dáriptep, ıdeıa etip usynyp jatyrmyz. Máselen, AQSh halqyn «Amerıkalyq arman» sııaqty urandar biriktiredi. Bizdiń qundylyqtarymyzdyń qatarynda úlkendi syılaý, kishige izet kórsetý, jaqynyńa qol ushyn sozatyn «asar» salty bar. Qonaqjaılyq, beıbitsúıgishtik sııaqty erekshelikterimiz kóp. Osynyń bárin dáripteı bilýimiz qajet»,- deıdi dintanýshy Elnar Berikbaev.

Qazaqstanda azamattardyń dinı senim bostandyǵy qamtamasyz etilgen. Konstıtýtsııa men ulttyq zańnamalar el turǵyndaryna barynsha keń quqyqtar berýmen qatar, bir mezgilde olardyń memleket pen qoǵam aldyndaǵy mindetterin de aıqyndap berdi.

«Qazaqtyń batyry Baýyrjan Momyshulynyń «Tártipsiz el bolmaıdy, tártipke baǵynǵan qul bolmaıdy» degen ataly sózi bar. ıAǵnı, zańyn, ereje-tártibin syılamaǵan eldiń bolashaǵy bulyńǵyr degen sóz. Qazaqstan óziniń demokratııalyq, zaıyrly, quqyqtyq jáne áleýmettik memleket ekenin Konstıtýtsııa arqyly bekitip, memleket pen dinniń araqatynasyn retteıtin zaıyrlylyq qaǵıdattaryna súıenedi»,- dep túsindirdi Elnar Berikbaev.

Kezdesý barysynda dintanýshy Elnar Berikbaev memlekettik bilim berý júıesi de zaıyrly jáne onyń dinı bilim berý júıesinen bólek ekenin basa aıtty.

«Zaıyrlylyq bilim mekemelerinde jastardyń boıynda belgili bir dinı kózqarasty qalyptastyrý durys emestigin bildiredi. Sondyqtan mekteptegi hıdjab máselesin kóterýshi azamattar senim bostandyǵyna múmkindik beretin zańǵa jáne basshyǵa baǵynýy tıis. Al mektep qabyrǵasynda hıdjabqa ruqsat berilmeýi bilim mekemesiniń ishki tártibin zaıyrlylyq qaǵıdattaryna saı saqtaý maqsatynda ǵana jasalady. Mektepten tys oryndarda bul máselege qatysty eshqandaı tyıymdar kózdelmegen»,- dep qorytyndylady dintanýshy.

Sonymen qatar, lektor stýdentterge din salasyna qatysty suraqtar qoıyp, pikirlerin tyńdady. Jastardy ashyq dıalogkqa shaqyrdy. Kolledj stýdentteri oılaryn jasyrmaı aıtyp, ózderin tolǵandyrǵan suraqtaryn qoıyp, tolyqqandy jaýap aldy.


Joǵary qaraı