Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda stels-omıkron shtamy anyqtaldy

2022 jyldyń 13 mamyr 2022 18:46

NUR-SULTAN. QazAqparat – Densaýlyq saqtaý mınıstrligi elde koronavırýs ınfektsııasy shtamdarynyń aınalymyna monıtorıng júrgizýdi jalǵastyrýda.

Bıylǵy jyldyń sáýir-mamyrynda júrgizilgen PTR skrınıngtiń qorytyndysy boıynsha koronavırýs ınfektsııasy shtamdarynyń túrli nusqalarynyń aınalymy anyqtaldy. Barlyq óńirlerde BA.1 «Omıkron» shtamy 98,6 %-da anyqtaldy, onyń ishinde 12 óńirde BA.2 «Stels-Omıkron» shtamy 36,7%-da anyqtaldy, dep habarlaıdy QazAqparat QR densaýlyq saqtaý mınıstrliginiń Telegram kanalyna silteme jasap.

Sondaı-aq, B. 1.617-like Delta shtamy aınalymda júr jáne zertteletin synamalar sanynyń 1,4%-yn quraıdy. PTR skrınıng nátıjelerin rastaý úshin tolyq genomdyq sekvenırleý júrgiziledi, ol osy aıdyń sońyna qaraı aıaqtalady.

Epıdemıologııalyq jaǵdaı turaqtanǵanyna qaramastan, mınıstrlik koronavırýs ınfektsııasyna qarsy vaktsınatsııany, revaktsınatsııany ýaqtyly júrgizýdi usynady.

«6 aı buryn jáne odan da kóp ýaqyt buryn vaktsınatsııa kýrsyn alǵan adamdar revaktsınatsııalaýǵa jatatynyn esterińizge salamyz. Qazirgi ýaqytta Qazaqstanda KVI-ǵa qarsy vaktsınatsııalaý jáne revaktsınatsııalaý úshin halyqqa vaktsınalardyń 3 túri (Pfaızer, Sınofarm jáne KazVak) qoljetimdi, olardyń 2-ýin Dúnıejúzilik densaýlyq saqtaý uıymy maquldaǵan»,-delingen habarlamada.


Joǵary qaraı