Aýa raıy
Astana -10 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda stýdentter keńesi qurylady - Ashat Aımaǵambetov

2020 jyldyń 10 qarasha 2020 23:38

NUR-SULTAN. QazAqparat - Qazaqstanda Bilim jáne ǵylym mınıstrligi janynan stýdenttik keńes qurylady, dep habarlaıdy QazAqparat.

Bul jaıynda QR Bilim jáne ǵylym mınıstri Ashat Aımaǵambetov aıtty.

«Jaqynda stýdenttik uıymdardyń jetekshilerimen, stýdenttik parlament ókilderimen, kolledjder men joǵary oqý oryndaryndaǵy Jastar isi jónindegi komıtet tóraǵalarymen kezdesý ótkizdim. Jıyn barysynda qashyqtan bilim berý, oqý oryndarynyń lıtsenzııalaryn qaıtaryp alý jáne ýnıversıtetterdiń jabylýy, túlekterdiń jumysqa ornalasýy, bilim sapasyn arttyrý, stýdenttik ózin-ózi basqarýdy qoldaý máselelerine qatysty áńgime órbidi. Stýdenttik shaǵymda «Chto? Gde? Kogda?» jobasynyń chempıonattaryna, debat jarystaryna qatysatynbyz. Qazir jaqyn aralasatyn dostarymnyń kóbimen sol kezeńde, pikirsaıys alańdarynda tanystyq. Biz birigip, problemalyq máselelerdi ýnıversıtet basshylyǵy deńgeıinde kóterýden taısalmaıtynbyz. Men bilim alǵan joǵary oqý ornynynyń rektory – marqum Jambyl Sáýlebekuly Aqylbaevtyń stýdentterge degen qoldaýy erekshe bolatyn. Belsendi jastardyń usynystaryn nazardan tys qaldyrmaı, bilim alýshylar úshin barlyq qolaıly jaǵdaıdy jasaıtyn. Ýnıversıtet basshylyǵy tarapynan ár stýdent úshin qolaıly jaǵdaıdy qamtamasyz etý – jastardyń talantyn ashýǵa, alǵa jeteleýge, baǵdar berýge baǵyttalǵan jáne úlken jetistikter jolynda jasalǵan alǵashqy mańyzdy qadam. Sondyqtan JOO basshylary úshin osy máseleler basty nazarda bolýy tıis» dep jazdy mınıstr Facebook paraqshasynda.

Onyń aıtýynsha, stýdenttermen kezdesý barysynda biraz jospar qurylǵan.

«Birinshiden, jaqyn arada QR BǴM janynan Stýdenttik Keńes qurylady. Onyń quramyna qazaqstandyq joǵary oqý oryndarynyń belsendileri kiredi. Olarmen stýdentter men JOO-larǵa qatysty barlyq ózekti máselelerdi talqylaımyz. Keńes barlyq stýdenttik uıymdardyń jumysyn úılestirýmen aınalysady. Ekinshiden, kezdesýge qatysýshylar tarapynan Jastar isi jónindegi komıtetterdiń arnaıy qurylymdyq bólimsheleriniń jumys isteýine qatysty usynys jasaldy. Mundaı bólimsheler stýdenttik ómirdi sapaly uıymdastyryp, jas talanttardyń tynysyn ashý barysynda taptyrmas qural bola alady. Osy jumysty júıelendiremiz. Úshinshiden, árbir joǵary oqý ornynda stýdenttik ózin-ózi basqarý organy jumys isteýi máselesi. Mysaly, Stýdenttik Parlament. Bilim alýshylar kóshbasshylaryn ózderi daýys berip saılaýy qajet. Bul olardyń quqyqtyq jáne saıası turǵydaǵy mádenıetin arttyrýǵa kómektesedi. Stýdentke ortalyqtandyrylǵan oqytý tujyrymdamasy aıasynda stýdenttik ózin-ózi basqarý organdary bilim alýshylardyń máselelerin sheshýge tikeleı qatysýy kerek. Uıym tóraǵalary óz kezeginde joǵary oqý ornyndaǵy dırektorlar keńesiniń jumysyna qatysý quqyǵyn ıelenip, stýdentterge qatysty qabyldanatyn sheshimderdiń sapasyn arttyrýǵa bilim alýshylar tarapynan yqpal etýi tıis. Tórtinshiden, stýdenttik volonterlik uıymdardy belsendi damytý qajet. Bul mehanızm búginde biz qalaǵandaı tıimdi jumys istemeıdi. Biz kóptegen bastamalar bar ekenin bilemiz, alaıda olardy júzege asyrý úshin stýdentterdiń tájirıbesi jetispeı, basqa da jaǵdaılar oryn alyp jatady» dep atap ótti Ashat Aımaǵambetov.

Mınıstrdiń sózine sensek, bul iske myqty volonterlik uıymdar qoldaý kórsete alady.

«Sondaı-aq 2021 jyldan bastap joǵary oqý oryndarynyń jeke úlgidegi dıplom berýi, túlekterdi sertıfıkattaý, akademııalyq adaldyq qaǵıdalaryn saqtaý jáne sybaılas jemqorlyqqa degen tózbeýshilik máselelerin muqııat talqyladyq. Mundaı kezdesýlerdi QR BǴM janynan qurylatyn Stýdenttik keńes qyzmeti sheńberinde júıeli túrde jalǵastyramyz» dep túıindedi mınıstr.


Joǵary qaraı