Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda sýǵa shomylýǵa ruqsat berilgen 490 oryn bar

2022 jyldyń 16 mamyr 2022 12:55

NUR-SULTAN. QazAqparat – Tótenshe jaǵdaılar mınıstrligi qazaqstandyqtarǵa jaz mezgilinde shomylýǵa bolatyn sý aıdyndaryn aıqyndady, dep habarlaıdy QazAqparat tilshisi.

«Ózderińiz biletindeı, taıaýda elimizde shomylý maýsymy bastalady. Osy oraıda shomylý maýsymynda qaýipsizdikti qamtamasyz etý maqsatynda bizdiń mınıstrlik ortalyq memlekettik organdarmen jáne ákimdiktermen birlesip keshendi aldyn alý sharalaryn uıymdastyryp jatyr. Osyǵan deıin sýdaǵy qaýipsizdik máseleleri respýblıkalyq deńgeıdegi, óńirlerde tótenshe jaǵdaılar jónindegi oblystyq (qalalyq, aýdandyq) komıssııalardyń otyrystarynda qaraldy. Onda naqty mindetter men is-sharalar aıqyndaldy. Qazirgi tańda (15 mamyrdaǵy jaǵdaıǵa sáıkes) elimizde shomylýǵa ruqsat etilgen 490 oryn anyqtaldy», - dedi QR TJM Azamattyq qorǵanys jáne áskerı bólimder komıtetiniń tóraǵasy Baýyrjan Syzdyqov Ortalyq kommýnıkatsııalar qyzmeti alańynda ótken baspasóz máslıhatynda.

Komıtet basshysynyń aıtýynsha, elimizde shomylý jáne demalýǵa arnalǵan 50 myńnan astam sý aıdyndary bar.

«Ruqsat etilgen shomylý oryndarynyń 187-i — kommýnaldyq, al 287-i jeke jaǵajaı. Shomylý oryndarynyń sanyn arttyrý maqsatynda qosymsha 16 oryn boıynsha naqty ıelerin bekitý jaǵy qaralyp jatyr. Atap aıtqanda, Almaty 2 oryn, ShQO 10 jáne BQO 4 shomylý orny», - deıdi ol.


Joǵary qaraı