Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda tranzıttik temirjol tasymaly artyp keledi – QR IIDM

2021 jyldyń 26 shilde 2021 14:27

NUR-SULTAN. QazAqparat – 2020 jyly daǵdarys kezeńinde Qazaqstanda jemirjol arqyly tranzıttik tasymaldaý kólemi 32%-ǵa artty. Bul týraly QR IIDM Kólik komıteti tóraǵasynyń orynbasary Jánibek Taıjanov aıtty, dep habarlaıdy QazAqparat tilshisi.

«Elimizdiń geografııalyq ornalasýy Eýropalyq Odaq elderi men Azııa-Tynyq muhıty óńiri arasyndaǵy júk aǵyndary úshin biregeı tranzıttik múmkindikter usynady. Qazaqstannyń tranzıttik habqa aınalýy úshin birqatar jobalar iske asyryldy, sonyń ishinde ortalyq óńirlerdi Batyspen (Jezqazǵan - Beıneý) baılanystyrý, Almaty-Shý bóliginiń ótkizý qabiletin arttyrý, qajetti port pen termınal ınfraqurylymy quryldy. Atalǵan jobalardy iske asyrý nátıjesinde tranzıttik tasymaldardyń qazirgi kólemi 2016 jylǵy kórsetkishten 3,6 ese asady. Máselen, 2020 jylǵy daǵdarysta tranzıttik konteınerlik tasymaldar 876 myń JFE boldy, bul 2019 jylmen salystyrǵanda 32%-ǵa kóp», - dedi J. Taıjanov Ortalyq kommýnıkatsııalar qyzmetinde ótken brıfıngte.

Jalpy 1 jartyjyldyq qorytyndysy boıynsha barlyq qatynastar arasynda konteınerlik júkterdi temirjol kóligimen tasymaldaý kólemi 800 myńnan astam JFE qurap, 36% ósim kórsetken. Onyń ishinde tranzıttik konteınerlik tasymaldar 44%-ǵa ulǵaıyp, 530 myńnan astam JFE qurady.

Jyl sońyna deıin bul kórsetkishti 1 mln JFE-ge, al 2025 jylǵa deıin bul kórsetkishti 1 mln 661 myń JFE-ge deıin jetkizý josparlanyp otyr.

«Bul kólemdi qamtamasyz etý úshin tıisti fıtıngtik platformalar parki qajet. Búgingi tańda Qazaqstanda 8 myńǵa jýyq fıtıngtik platformalar parki bar. Munda kórshi elderden tartylǵan parkterdi eskersek, naryqtyń qajettiligi qazirgi parkten birneshe ese asyp túsedi. Osyǵan baılanysty mınıstrlik vagondar parkin jańartýǵa operatorlardy yntalandyrý úshin jumys júrgizýde. 2016 jyldan bastap vagondardy satyp alýǵa nesıe berý kezinde syıaqy mólsherlemelerin sýbsıdııalaý quraly engizildi. Osylaısha, memlekettik qoldaý arqyly shamamen 5,5 myń júk vagony, onyń ishinde 3,5 myń fıtıngtik platformalar satyp alyndy, olar konteınerlerdi tasymaldaýdy qamtamasyz etýge baǵyttalǵan. Bul jumysty «Qýatty óńirler – ekonomıkanyń draıveri« ulttyq jobasy aıasynda 2025 jylǵa deıin jalǵastyrý josparlanýda», - dedi J. Taıjanov.


Joǵary qaraı