Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda tuqym sharýashylyǵyn sýbsıdııalaý kólemi 49 paıyzǵa artty

2020 jyldyń 22 qyrkúıek 2020 09:39

NUR-SULTAN. QazAqparat – QR Aýyl sharýashylyǵy mınıstri Saparhan Omarov tuqym sharýashylyǵyn sýbsıdııalaý jaıynda aıtty, dep habarlaıdy QazAqparat tilshisi.

«Bıyl tuqym sharýashylyǵyn sýbsıdııalaý kólemi 49 paıyzǵa ulǵaıdy (9,4 mlrd teńgeden 14 mlrd teńgege deıin), bul aýyl sharýashylyǵy óndirýshileriniń joǵary reprodýktsııaly tuqym satyp alýǵa qoljetimdiligin 2019 jylmen salystyrǵanda 2,4 esege arttyrýǵa (39,4 myń tonnadan 135 myń tonnaǵa deıin) múmkindik berdi», - dedi mınıstr Úkimet otyrysynda.

Onyń sózine qaraǵanda, tyńaıtqysh satyp alýdy sýbsıdııalaý kólemi 38 paıyzǵa kóbeıdi (19,0 mlrd teńgeden 26,1 mlrd teńgege deıin), bul tyńaıtqysh engizý kólemin ǵylymı qajettiliktiń 20 paıyzyna deıin ulǵaıtýǵa múmkindik berdi.

«Kepildendirilgen jáne sapaly ónim alýda egisterdi zııankester men aýrýlarǵa qarsy hımııalyq óńdeý boıynsha qabyldanǵan sharalardyń mańyzy zor boldy.

Osy jyly pestıtsıdterdi sýbsıdııalaýǵa 36,4 mlrd teńge kózdeldi, bul 2019 jylǵa qaraǵanda

9 mlrd teńgege kóp. 2020 jylǵa deıin tek gerbıtsıdter (aramshópterge qarsy preparattar), bıopreparattar men bıoagentter sýbsıdııalanǵanyn atap ótken jón. Bıyldan bastap pestıtsıdterdiń ınsektıtsıdter men fýngıtsıdter (ósimdikter zııankesteri men aýrýlaryna qarsy preparattar) sııaqty basqa da túrleri sýbsıdııalanady», - dedi Saparhan Omarov.


Joǵary qaraı