Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda Túrikmenstannyń Mádenı kúnderi ótedi

2021 jyldyń 24 qarasha 2021 14:25

NUR-SULTAN. QazAqparat – Qazaqstanda Túrikmenstannyń Mádenı kúnderi ótedi. Bul týraly elimizdegi Túrikmenstan Respýblıkasynyń Tótenshe jáne Ókiletti Elshisi Batyr Redjepov málim etti, dep habarlaıdy QazAqparat tilshisi.

«QR Prezıdenti Qasym-Jomart Toqaevtyń Túrikmenstanǵa memlekettik sapary barysynda Memleketter basshylary Qazaqstanda Túrikmenstannyń Mádenı kúnderin atap ótý týraly kelisti. Eki el arasynda aýqymdy mádenı sharanyń ótkizilmegenine 3 jyldan asyp barady. El Prezıdentteriniń resmı kezdesýinen keıin ózara baılanys qaıta serpin aldy. Búginde biz Túrikmenstannyń Mádenı kúnderin atap ótý maqsatynda QR Mádenıet jáne sport mınıstrligimen birlesken jumys istep jatyrmyz», - dedi Batyr Redjepov.

Elshiniń aıtýynsha, atalǵan mádenı sharany ótkizý kelesi jylǵa josparlanyp otyr.

«Sondaı-aq mádenı sharalardan bólek, ekijaqty saýda-ekonomıkalyq qatynas ta bir izge qoıylǵan. Olardyń arasynda yntymaqtastyq týraly dostyq qatynastar týraly shart bar. Odan bólek, Túrikmenstan Respýblıkasynyń Prezıdenti Gýrbangýly Berdimuhamedovtyń 2017 jyly Qazaqstanǵa jasaǵan memlekettik sapary sheńberinde qol qoıylǵan strategııalyq áriptestik týraly shart óz kúshinde», - deıdi ol.

Buǵan deıin túrikmen dıplomaty atalǵan eldiń beıtaraptyq saıasatyna qatysty túsinik berip ótti.

Aıta ketsek, búgin Nur-Sultan qalasynda Qazaqstan men Túrikmenstan arasyndaǵy dostyq qarym-qatynas taqyrybynda BAQ-qa arnalǵan baspasóz máslıhaty ótti.


Joǵary qaraı