Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda turmystyq gaz ballonyn qoldanýdyń jańa mehanızmi ázirlenedi

2021 jyldyń 29 qarasha 2021 16:03

NUR-SULTAN. QazAqparat – Elimizde turmystyq gaz ballonyn qoldanýdyń jańa mehanızmi ázirlenip jatyr. Bul týraly QR Energetıka mınıstrligi kómirsýtekter jáne jer qoınaýyn paıdalaný salalaryndaǵy memlekettik baqylaý departamentiniń dırektory Qudaıbergen Arymbek málim etti, dep habarlaıdy QazAqparat tilshisi.

«Qazirgi tańda turmystyq gazdy qoldaný júıesin memlekettik baqylaýǵa qatysty reforma qolǵa alynyp jatyr. Jańa reformaǵa sáıkes elimizde gaz taratý, qoldaný jáne qaýipsizdikti qamtamasyz etý maqsatynda jospardan tys tekserý quqyǵy qarastyrylmaq. ıAǵnı, biz gaz taratý beketterin aralap qyzmetiniń zańdylyǵyn tekseretin bolamyz», - dedi Qudaıbergen Arymbek OKQ-de ótken baspasóz máslıhatynda.

Onyń aıtýynsha, zańbuzýshylyq anyqtalǵan jaǵdaıda tıisti shara qoldanylady.

«Sondaı-aq, QR Premer-Mınıstriniń tapsyrmasy bar, oǵan sáıkes turmystyq gaz ballonyn qoldanýdyń jańa mehanızmi ázirlenedi. Úkimet basshysynyń atalǵan tapsyrmasyn oryndaýǵa kiristik, onyń merzimi - 2022 jyldyń maýsym aıy», - deıdi ol.


Joǵary qaraı