Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda vaktsınalardyń 5 mln doza qory bar – Úkimet

2022 jyldyń 18 qańtar 2022 18:28

NUR-SULTAN. QazAqparat – Vaktsınalaý úshin elimizde barlyq qajetti jaǵdaılar jasalǵan. Bul týraly QR Premer-Mınıstriniń orynbasary Eraly Toǵjanov aıtyp berdi, dep habarlaıdy QazAqparat tilshisi.

«Vaktsınalaý úshin elimizde barlyq qajetti jaǵdaılar jasalǵan. Vaktsınalardyń shamamen 5 mln doza qory bar, onyń ishinde 2,8 mln doza vaktsınalaýǵa jáne 2,2 mln doza revaktsınalaýǵa arnalǵan. Sonymen qatar, halyqtyń neǵurlym osal tobyn qorǵaý úshin revaktsınalaýǵa arnalǵan vaktsınalardy tańdaý aıasy keńeıtildi. 60 jastan asqan adamdarǵa qosymsha Komırnatı (Phizer) vaktsınasy usynylady», - dedi E. Toǵjanov Ortalyq kommýnıkatsııalar qyzmetinde.

Sonymen birge, el óńirleri de 23,8 mln astam vaktsına dozasymen qamtamasyz etilgen.

«Búgin vaktsınalaýdan ótseńiz – keleshekte juqqan aýrýdyń jeńil ótýin qamtamasyz etesiz. Revaktsınalaýdyń tıimdiligi vaktsınalaý áserinen de asyp túsetini burynnan dáleldengen. Sonymen qatar, revaktsınalaý aýrýdyń aýyr túrlerinen, aýrýhanaǵa jatqyzýdan jáne ólimnen 70%-ǵa deıin qorǵaıdy. Keshendi vaktsınalaýdan ótken soń ǵana biz ólim jaǵdaılarynyń sanyn toqtatyp, aldyn ala alamyz», - dep túsindirdi E. Toǵjanov.


Joǵary qaraı