Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda ıadrolyq medıtsınany damytýdyń jol kartasy ázirlenedi

2021 jyldyń 31 jeltoqsan 2021 12:18

NUR-SULTAN. QazAqparat - Búgin Qazaqstan Respýblıkasy Premer-Mınıstriniń orynbasary Eraly Toǵjanovtyń tóraǵalyǵymen memlekettik, jeke qurylymdar men salanyń jetekshi mamandarynyń qatysýymen ıadrolyq medıtsınany damytý máseleleri jóninde keńes ótti, dep habarlaıdy QazAqparat.

Vıtse-premer Qazaqstandaǵy ıadrolyq medıtsına isteriniń aǵymdaǵy jaı-kúıin, túıtkildi máseleleri men perspektıvalyq baǵyttaryn kóterdi.

Densaýlyq saqtaý vıtse-mınıstri Ajar Ǵınııat baıandama jasady.

Ol dıagnostıkanyń zamanaýı ádisin júrgizýdi qajet etetin onkologııasy bar patsıentterdiń sany artyp kele jatqanyn atap ótti.

Qazir Qazaqstanda 4 pozıtrondy-emıssııalyq tomograf (PET-ortalyq) jumys jasaıdy: Nur – Sultan qalasynda – 2, Almatyda – 1 jáne Semeıde-1.

Premer-mınıstrdiń orynbasary onkologııalyq aýrýlarmen kúres jónindegi keshendi jospardyń «tıimdiligi joǵary erte dıagnostıka» baǵyty aıasynda aldaǵy 2 jylda zertteýdiń ınnovatsııalyq ádisteri úshin Nur-Sultan, Shymkent, Aqtóbe jáne Qaraǵandy qalalarynda taǵy 4 PET-ortalyq ashý josparlanǵanyn atap ótti.

Keńes qorytyndysy boıynsha Eraly Toǵjanov PET-ortalyqtar jelisin keńeıtý arqyly otandyq ıadrolyq medıtsınany damytýdyń Jol kartasyn ázirleýdi tapsyrdy.

Sondaı-aq, MJÁ sheńberinde yntymaqtastyqqa múddeli jaýapty memlekettik kompanııalar qatarynan vedomstvoaralyq jumys tobyn qurýdy júktedi.


Joǵary qaraı