Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda zeınetaqy men járdemaqy ósti

2022 jyldyń 1 qańtar 2022 12:08

NUR-SULTAN. QazAqparat –2022 jyl respýblıkalyq bıýdjette zeınetaqy men barlyq áleýmettik járdemaqylardyń mólsherin ındeksatsııalaýǵa 190,4 mlrd teńge kózdelip otyr. Bul týraly Eńbek jáne halyqty áleýmettik qorǵaý mınıstrliginen málim boldy, dep habarlaıdy QazAqparat.

«2022 jylǵa arnalǵan respýblıkalyq bıýdjette memlekettiń áleýmettik mindettemelerin oryndaýǵa 4 trln teńge, onyń ishinde zeınetaqy men barlyq áleýmettik járdemaqylardyń mólsherin ındeksatsııalaýǵa 190,4 mlrd teńge kózdelip otyr», - delingen Eńbek mınıstrligi málimetinde.

Bul 4,2 mln adamnyń tabysyn arttyrady, onyń ishinde:

- 2,3 mln-ǵa jýyq zeınetkerge yntymaqty zeınetaqy mólsherin 7%-ǵa (ınflıatsııa deńgeıinen 2%-ǵa oza otyryp) jáne bazalyq zeınetaqy tólemin 5%-ǵa, jalpy somasy 138,3 mlrd teńgege arttyrý júrgiziletin bolady;

- 1,9 mln alýshyǵa áleýmettik járdemaqy jalpy somasy 52,1 mlrd teńgege, 5%-ǵa artady.

Budan tys eń tómengi kúnkóris deńgeıiniń ósýi ataýly áleýmettik kómek alatyn 900 myńnan astam adamnyń kiris deńgeıine de oń áser etedi.

Budan buryn habarlanǵandaı, 2022 jylǵy 1 qańtardan bastap eń tómengi kúnkóris deńgeıiniń shamasyn jáne aılyq eseptik kórsetkishti 5%-ǵa ındeksatsııalaý josparlanyp otyr. Nátıjesinde, ETK mólsheri 36 018 teńgeni, al AEK – 3 063 teńgeni quraıdy.



Joǵary qaraı