Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda jańa áleýmettik jeli paıda boldy

2021 jyldyń 18 qazan 2021 17:30

NUR-SULTAN. QazAqparat – Elimizde alǵash ret Getemotions atty jańa áleýmettik jeli iske qosyldy, dep habarlaıdy QazAqparat tilshisi.

«Kez kelgen adamda belgili bir taqyryp boıynsha suraq bolatyny sózsiz. Osy oraıda biz elimizde alǵash ret anonımdi túrde kez kelgen taqyrypta suraq qoıyp, oǵan jaýap alýǵa bolatyn áleýmettik jeli oılap taptyq. Getemotions áleýmettik jelisi arqyly anonımdi túrde saýal joldap, oǵan anonımdi jaýap alý múmkindigi bar. Atalǵan jeliniń artyqshylyǵy sol kimniń qandaı suraq qoıyp jatqanyn jáne oǵan kimniń jaýap berip jatqanyn eshkim bilmeıdi. ıAǵnı qupııalylyq barynsha saqtalǵan. Árıne basqa áleýmettik jeliler sekildi bizde de tyıym salynǵan taqyryptar bar. Demek kelip túsken saýaldar irikteýden ótedi», - dedi GetEmotions jobasynyń negizin qalaýshy Aıtýǵan Omarov OKQ-de ótken baspasóz qyzmetinde.

Onyń aıtýynsha, ekijaqty baılanys 100 paıyz jasyryn túrde ótedi.

«Eger sizdiń suraǵyńyzǵa dóreki jaýap berilse nemese jaýapqa rıza bolmasańyz, kez kelgen sátte atalǵan jelini buǵattaı alasyz. Buǵattaǵan soń osyǵan deıingi habarlamalar avtomatty túrde joıylady. Qoldanýshylardan kelip túsip jatqan taǵy bir suraq, kimniń qandaı suraq joldap jatqanyn kim baqylaıdy? Aıtarym, júıe avtomattandyrylǵan, bizdiń mamandar, onyń ishinde jelini ázirleýshiler de kimniń qandaı suraq joldap jatqanyn bile almaıdy. Bizdiń mindet tek kelip túsken saýaldy qabyldaý nemese odan bas tartý», - deıdi ol.

Getemotions avtorlarynyń málimdeýinshe, atalǵan jeli el kóleminde 6 qazannan bastap testileý rejıminde iske qosyldy.


Joǵary qaraı