Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda jańa partııalar paıda bolady - Qasym-Jomart Toqaev

2022 jyldyń 29 sáýir 2022 12:52

NUR-SULTAN. QazAqparat – Partııalyq júıe reformasy saılaý protsesterine barlyq azamattyń qatysýyna jańa múmkindikter ashady.

Bul týraly Qazaqstan halqy Assambleıasynyń kezekti otyz birinshi sessııasynda Prezıdent Qasym-Jomart Toqaev málim etti, dep habarlaıdy QazAqparat tilshisi.

«Partııalyq jáne saılaý júıesiniń reformasy saılaý protsesterine barlyq azamattyń qatysýy úshin jańa múmkindikter ashady. Barsha elektoraldy landshaftty qamtıtyn jańa partııalardyń paıda bolýy boljanyp otyr. Partııa tizimderi, sondaı-aq bir mandatty okrýgtar boıynsha kandıdattardy saılaý Qazaqstannyń etnıkalyq áralýandyǵyn naqty kórsetedi dep senemin», - dedi Qasym-Jomart Toqaev.

Sonymen qatar Prezıdent etnosaralyq faktordy saıasılandyrýǵa, bul taqyrypta zalaldy ári arandatý pikirtalastaryna jol bermeý kerek ekenin atap ótti.

Osyǵan deıin QR Prezıdenti tóraǵalyǵymen Qazaqstan halqy Assambleıasynyń HHHІ sessııasy ashylǵanyn jazdyq.

Memleket basshysy Assambleıa Senat depýtattyǵyna kandıdattardy irikteýdiń tıimdi ári ashyq rásimin ázirleýi kerek ekenin aıtty.



Joǵary qaraı