Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda jeńildetilgen avtonesıeniń jańa baǵdarlamasy ázirlenýde

2022 jyldyń 24 qańtar 2022 20:11

NUR-SULTAN. QazAqparat - Qazaqstanda jańa kólikterdiń qoljetimdiligin arttyrýǵa baǵyttalǵan jeńildetilgen avtonesıe qaıta iske qosylady, dep habarlaıdy QazAqparat.

Bul týraly «Habar» telearnasynyń «Bolshaıa nedelıa» tok-shoýynyń efırinde QR Indýstrııa jáne ınnovatsııalyq damý vıtse-mınıstri Marat Qarabaev málimdedi.

«ÓKM Operatory» JShS-nen ókilettikter men aktıvterdi «Jasyl Damý» AQ-ǵa bergennen keıin Úkimet jınalǵan qarajatty azamattardyń kóńilinen shyǵatyndaı jeńildetilgen avtonesıe baǵdarlamasyn qaıta bastaýǵa baǵyttaý múmkindigin zerdeleýde», - dedi vıtse-mınıstr.

Ol teńgemen jyldyq 4 paıyzdan aspaıtyn bastapqy jarnasyz avtokólik satyp alý múmkindigi qarastyrylyp jatqanyn aıtty.

Sonymen qatar, Qarabaev otandyq avtokólikterdi jeńildikpen satyp alýǵa vaýcherler berý baǵdarlamasyn ázirleý týraly málimdedi.

Barlyq jeńildikti baǵdarlamalardyń tizbesi men mazmunyn sarapshylar men jurtshylyqtyń qatysýymen jumys toptary zertteıtin bolady.

Buǵan deıin Qazaqstan Prezıdenti Qasym-Jomart Toqaev Úkimetke avtomobılderden kádege jaratý alymyn óndirip alý boıynsha ÓKM operatorynyń mólsherlemelerin qaıta qaraýdy tapsyrǵan bolatyn.


Joǵary qaraı