Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda JOO-nyń úzdik oqytýshysy anyqtalady

2021 jyldyń 25 qazan 2021 17:55

NUR-SULTAN. QazAqparat – QR Bilim jáne ǵylym mınıstrligi joǵary oqý ornynyń úzdik oqytýshysyn anyqtaıtyn bolady, dep habarlaıdy QazAqparat vedomstvonyń baspasóz qyzmetine silteme jasap.

«Joǵary oqý ornynyń úzdik oqytýshysy - 2021» respýblıkalyq baıqaýyna qatysý úshin qujattardy qabyldaý 1 qarashadan bastalyp, 15 qarashaǵa deıin jalǵasady. Jeńimpaz 6 mıllıon teńge shamasynda syıaqy alady.

Baıqaýǵa joǵary oqý oryndarynyń shtattaǵy oqytýshylary qatysa alady. Olardyń úzdiksiz ǵylymı-pedagogıkalyq ótili keminde 5 jyl bolyp, oqytýshylyq jáne ǵylymı qyzmette joǵary jetistikteri bolýy tıis.

Baıqaýdyń maqsaty – oqytýshy mamandyǵynyń bedelin arttyrý jáne joǵary oqý oryndary oqytýshylaryn kásibı turǵyda odan ári damýyna yntalandyrý.

Konkýrs 2 kezeńnen turady. Aldymen, joǵary oqý ornynyń ishinde, keıin respýblıkalyq deńgeıde ótedi. Konkýrsqa qatysý úshin ótinimder men qujattar QR BǴM universitycontest.iac.kz aqparattyq júıesi arqyly elektrondyq formatta qabyldanady.

«Joǵary oqý oryndarynyń qyzmetkerleri men professorlyq-oqytýshylar quramynan turatyn sarapshylar toby kelip túsken barlyq qujatty tekseredi. Saraptaý tobynyń qorytyndysy negizinde JOO komıssııasy konkýrsqa qatysýshylardyń ekinshi respýblıkalyq kezeńge qatysýy týraly sheshim shyǵarady. Respýblıkalyq deńgeıde qurylǵan komıssııa quramyna úkimettik emes uıymdardyń, BAQ, stýdenttik jáne jastar uıymdarynyń, JOO qaýymdastyqtarynyń ókilderi men sarapshylar endi», – dedi QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.

Aıta keteıik, «Joǵary oqý ornynyń úzdik oqytýshysy» baıqaýynyń jeńimpazdary aqshalaı yntalandyrýmen qatar tósbelgige ıe bolady.

Baıqaý aqparattyq júıe bazasynda ótedi, sáıkesinshe konkýrsqa qatysýshylar barlyq kezeńniń ashyq ótýin baqylaı alady.


Joǵary qaraı