Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda JOO oqytýshylarynyń jalaqysy ósti

2021 jyldyń 15 qyrkúıek 2021 14:09

NUR-SULTAN. QazAqparat - Bilim jáne ǵylym mınıstrligine vedomstvolyq baǵynyshty JOO oqytýshylarynyń jalaqysy osy jyldyń qyrkúıeginen bastap ósti. Endi ýnıversıtet oqytýshylary aıyna keminde 200 myń teńge alady, dep habarlaıdy QazAqparat mınıstrliktiń baspasóz qyzmetine silteme jasap.

Aǵa oqytýshy keminde 230 myń teńge, qaýymdastyrylǵan professor – 260 myń teńge, professor – 350 myń teńge (ulttyq joǵary oqý oryndarynda – 400 myń teńge) alady.

«Memleket basshysynyń qoldaýynyń arqasynda mınıstrlik joǵary oqý oryndarynyń shtattyq qyzmetkerlerine mınımaldyq jalaqy belgileý týraly buıryq qabyldady. QR BǴM-ge baǵynyshty joo oqytýshylarynyń jalaqysy artty. Sondaı-aq bir stavkanyń maksımaldy kólemi endi bir oqý jylynda 680 saǵattan aspaıdy. ıAǵnı, oqý júktemesi tómendetiledi. Ózgeris professorlyq-oqytýshylyq quramnyń ǵylymı qyzmetpen aınalysýy úshin múmkindik pen ýaqyttyń kóbirek bolýyn kózdeıdi», - dep atap ótti Bilim jáne ǵylym vıtse-mınıstri Qýanysh Erǵalıev.

Esterińizge sala keteıik, buǵan deıin Ulttyq qoǵamdyq senim keńesiniń otyrysynda Memleket basshysy JOO oqytýshylarynyń jalaqysyn kóterýdi tapsyrǵan bolatyn.

2019 jylǵy qyrkúıekte BǴM-ge vedomstvolyq baǵynyshty JOO professor-oqytýshylar quramynyń eńbekaqysy 20%-ǵa, 2020 jylǵy qyrkúıekte taǵy da 20%-ǵa ulǵaıtyldy.

Jalaqyny edáýir arttyrý barysynda onyń mınımaldyq mólsheri jáne pedagogıka júktemesiniń maksımaldy kólemi belgilendi.


Joǵary qaraı