Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda jyl basynan 2 mln tonnaǵa jýyq benzın óndirildi

2021 jyldyń 13 maýsym 2021 22:07

NUR-SULTAN. QazAqparat – Bıylǵy jyl basynan beri Qazaqstanda kómir, shıki munaı jáne tabıǵı gaz kenderiniń óndirisi tómendegen. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.

«2021 jylǵy qańtar-mamyrda 2020 jylǵy qańtar-mamyrmen salystyrǵanda tamaq ónimderiniń, sýsyn, temeki, rezeńke jáne plastmassa buıymdarynyń, ózge de beımetall mıneraldyq ónimderiniń, hımııa jáne farmatsevtıka ónimderiniń, metallýrgııa ónerkásipteriniń jáne mashına jasaý óndirisiniń ósýi baıqaldy.

Kómir, shıki munaı jáne tabıǵı gaz kenderiniń óndirisi tómendedi», - delingen habarlamada.

Jalpy, ónerkásip ónimderiniń óndiris kólemi respýblıkanyń 14 óńirinde artqan.

Statıstıkalyq málimetke sáıkes, bıylǵy qańtar-mamyrda Qazaqstanda óndirildi:

- 1,9 mln tonna benzın (byltyrǵy jyldyń osy kezeńine qaraǵanda 104,4 paıyz),

- 35,4 mln tonna munaı men gaz kondensaty (92,2 paıyz),

- 52,5 mln tonna mys kenderi (118,2 paıyz),

- 1,3 mln tonna un (109,0 paıyz),

- 1,9 mln tonna dızeldik otyn (105,4 paıyz),

- 48,9 mlrd kVt. saǵat elektr energııasy (105,5 paıyz).


Joǵary qaraı