Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda jyl saıyn halyqtyń 13%-y AITV testinen ótedi

2020 jyldyń 2 jeltoqsan 2020 18:25

NUR-SULTAN. QazAqparat – Qazaqstan esirtki qoldanatyn adamdar arasynda AITV taralýyn 2016 jyly 5%-8%-ǵa, 2018 jyly 7-9%-ǵa qysqartty. Bul týraly Ortalyq kommýnıkatsııalar qyzmetinde ótken onlaın brıfıngte Ortalyq Azııadaǵy ıÝNEIDS keńsesi dırektorynyń mindetin atqarýshy Gabrıella Ionashký aıtty, dep habarlaıdy QazAqparat tilshisi.

«Epıdemııa bastalǵan kezde AITV ınfektsııasy men JITS kóptegen adamǵa ajal qushtyrdy. Bul turǵydan alyp qaraǵanda JITS pen koronavırýs uqsaıdy. Bastapqy kezde JITS týraly aqparat az edi jáne ony emdeý jolyn eshkim bilmedi. Sonyń saldarynan oǵan qatysty qaýeset, stıgma men dıskrımınatsııa kóp boldy. 2020 jyly barlyq nazar koronavırýs ınfektsııasynda, onyń adam ómirine qalaı áser etetindigine aýdy. Bul pandemııa densaýlyq salasy qanshalyqty mańyzdy ekenin uqtyrdy. Qazirgi ýaqytta medıtsına salasy damyp ketken. AITV ınfektsııa bar adam ýaqytyly em ala alady jáne sonyń arqasynda el qatarly ómir súre alady. Qazaqstanda da sondaı em qoldanylady», - deıdi Ortalyq Azııadaǵy ıÝNEIDS keńsesi dırektorynyń mindetin atqarýshy Gabrıella Ionashký.

Onyń aıtýynsha, ókinishke qaraı, adamdardyń kóbi AITV juqtyrǵanyn kesh bilip jatady.

«Qazaqstan memleket qarajaty esebinen emge qatysty dári-dármek pen testti tegin alady. Qazaqstanda AITV ınfektsııasynyń profılaktıkasy boıynsha mańyzdy qadamdar jasalýda. Sonyń arqasynda Qazaqstan esirtki qoldanatyn adamdar arasynda AITV-tiń taralyýyn 2016 jyly 5%-8%-ǵa, 2018 jyly 7-9%-ǵa qysqartty. Qazaqstanda jyl saıyn halyqtyń 13%-y AITV testinen ótedi. Degenmen, adamdar óz densaýlyǵyna jaýapkershilikti óz moıyndaryna almasa – eshqandaı shara aýrýdan saqtap qala almaıdy», - deıdi ol.


Avtor Zarına Qaharman
Basty sózder: Qoǵam, Medıtsına,
Joǵary qaraı