Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda jylyna 10 myńǵa tarta adam túrmeden shyǵady

2020 jyldyń 23 qarasha 2020 13:45

NUR-SULTAN. QazAqparat – Qazaqstanda jylyna 10 myńǵa tarta adam jazasyn ótep, túrmeden shyǵady. Mundaı statıstıkany QR Іshki ister mınıstrligi Qylmystyq atqarý júıesi komıtetiniń tóraǵasy Janat Eshmaǵambetov keltirdi, dep habarlaıdy QazAqparat tilshisi.

«Jalpy, túzetý mekemeleriniń ákimshiligi jazasyn óteýshi ár azamatqa áleýmettik-quqyqtyq kómek kórsetý úshin jeke baǵdarlama jasaıdy. Bosap shyqqanǵa deıin ár azamatqa naqty kómek kórsetedi. Tárbıe jumysymen qatar, onyń quqyqtary men mindettemeleri túsindirilip, bosap shyqqannan keıin qaıda baryp turatyny, jumys isteıtini, týystarymen qarym-qatynasy, áleýmettik qarym-qatynasy, sondaı-aq áleýmettik qajettilikteri suralady. Osy saýalnamadan alynǵan málimetter ákimdikterge, polıtsııa men probatsııa qyzmetterine joldanady», - dedi Janat Eshmaǵambetov IX Azamattyq forým jumysynyń taqyryptyq sessııasynda.

Komıtet basshysynyń aıtýynsha, bul baǵytta atqarylyp jatqan jumystarǵa qur tsıfrmen baǵa berý múmkin emes. Sebebi jyl saıyn kolonııalardan 10 myńǵa tarta adam bostandyqqa shyǵady.

Bıyl jyl basynan beri 7328 adam erkindikke shyqqan. Olardyń bárin qaıta ómirge beıimdeý úshin mamandar tıisti jumysty júrgizedi.


Joǵary qaraı