Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy 51 avtokólik ótkizý beketiniń 12-si ýaqytsha jabyldy

2020 jyldyń 26 maýsym 2020 13:05

NUR-SULTAN. QazAqparat – Qazaqstandaǵy 51 avtokólik ótkizý beketiniń 12-si pandemııaǵa baılanysty ýaqytsha jabyldy, dep habarlaıdy QazAqparat tilshisi.

«Qazaqstan shekarasynda 100 ótkizý beketi bar. Onyń 51-i avtokólikterdi ótkizý beketi. Onyń 12-si pandemııaǵa baılanysty ýaqytsha jabylǵan. Atalǵan halyqaralyq ótkizý beketterinde Shekara qyzmeti memlekettik kirister organymen, densaýlyq saqtaý mınıstrliginiń bólimshelerimen birlese shekaradan ótý kezinde sanıtarlyq sharalardy qamtamasyz etýde», - dedi QR UQK Shekara qyzmeti Shekaralyq baqylaý departamenti bastyǵynyń orynbasary polkovnık Ǵanı Aǵadilov OKQ-daǵy baspasóz máslıhatynda.

Onyń aıtýynsha, jolaýshylar leginiń edáýir azdyǵyna qaramastan, shekaradan jalǵan qujatpen ótýge, taýar-materıaldyq qundylyqtardy baqylaýdan jasyrýǵa, tyıym salýlar men shekteýler qoıylǵan azyq-túlik túrlerin ótkizýge, qorǵanys quraldary, medıtsınalyq buıymdardy zańsyz shyǵarý faktileri anyqtalyp jatyr.

«Bizdiń tarapymyzdan zańsyzdyqqa jol bermeý úshin meılinshe joǵary dárejede baqylaý qamtamasyz etilgen», - dedi ol.

Eske sala ketsek, buǵan deıin Ǵanı Aǵadilov Qazaqstan Tótenshe jaǵdaı kezinde de, keıin de memleketaralyq júk tasymaldaýǵa óz shekarasynda eshqandaı shekteý qoımaǵanyn habarlaǵan edi.


Joǵary qaraı