Aýa raıy
Astana 20 °S
Almaty 19 °S
valıýta baǵamy
USD 385.42
EUR 424.58
RUB 6.00
CNY 54.31

Qazaqstandaǵy apta ishindegi jańa kadrlyq taǵaıyndaýlar

2019 jyldyń 25 tamyz 2019 10:05

NUR-SULTAN. QazAqparat – Osy aptada QazAqparat agenttigi 19-25 tamyz aralyǵyndaǵy basty taǵaıyndaýlarǵa sholý usynady.

Apta basynda QR Prezıdenti Q.Toqaevtyń Jarlyǵymen Berdibek Saparbaev QR Premer-Mınıstriniń orynbasary laýazymyna taǵaıyndaldy.

Berdibek Máshbekuly Saparbaev 1953 jyly 9 aqpanda Qyzylorda oblysynda dúnıege kelgen. 1977 jyly Almaty Halyq sharýashylyǵy ınstıtýtyn «Ekonomıka jáne materıaldyq-tehnıkalyq jabdyqtaý» mamandyǵy boıynsha bitirdi. Ekonomıka ǵylymdarynyń doktory, professor.

Eńbek jolyn Qyzylorda oblysynyń Zadarınskıı sovhozynyń jumysshysynan bastady (1969-1971 jyldary); áskerı qyzmetin ótkerdi (1971-1973 jyldary). Instıtýtty bitirisimen Respýblıkalyq memlekettik eńbek jınaqtaý kassalary (gostrýdsberkassy) basqarmasynda ekonomıst (1977); QazKSR Qarjymıninde ekonomıst, aǵa ekonomıst, jetekshi, bas ekonomıst, bólim bastyǵynyń orynbasary (1977-1988 jyldary); josparlaý-qarjy basqarmasynyń bastyǵy, Bas ekonomıka basqarmasynyń bastyǵy, QR Bilim mınıstriniń orynbasary (1988-1993 jyldary); Prezıdent Apparaty bólimi men QR Mınıstrleri kabıneti meńgerýshisiniń orynbasary (1993); QR Mınıstrler kabınetiniń Іster basqarmasynyń Qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi (1994-1995 jyldary) boldy. QR Mınıstrler kabıneti Apparatynyń basshysy (1995); Qyzylorda oblysynyń ákimi (1995-1999 jyldary); Ońtústik Qazaqstan oblysynyń ákimi (1999-2002 jyldary) qyzmetterin atqardy.

QR Kedendik baqylaý agenttiginiń tóraǵasy, QR Qarjy vıtse-mınıstri - Kedendik baqylaý komıtetiniń tóraǵasy (2002-2006); Premer-Mınıstr Keńsesi basshysynyń orynbasary - QR Parlamentindegi Úkimettiń Ókili (2006-2007); QR Ekonomıka jáne bıýdjettik josparlaý vıtse-mınıstri (2007 jyly aqpan - 27 tamyz). 2007 jyldyń tamyzynan QR Eńbek jáne halyqty áleýmettik qorǵaý mınıstri. 2009-2014 jyldary - Shyǵys Qazaqstan oblysynyń ákimi. 2014-2015 jyldary QR Premer-Mınıstriniń orynbasary. 2015-2019 jyldary Aqtóbe oblysynyń ákimi qyzmetin atqardy. QR Eńbek jáne áleýmettik qorǵaý mınıstri laýazymyn 2019 jyldyń aqpanynan beri atqaryp keldi.

Berdibek Saparbaevtyń ornyna QR Eńbek jáne halyqty áleýmettik qorǵaý mınıstri qyzmetine Birjan Nurymbetov taǵaıyndaldy.

Birjan Bıdaıbekuly Nurymbetov1968 jyly 19 naýryzda týǵan. ál-Farabı atyndaǵy Qazaq memlekettik ýnıversıtetin «Mehanıka jáne qoldanbaly matematıka» mamandyǵy jáne Almaty ekonomıka jáne statıstıka akademııasyn «Qarjy» mamandyǵy boıynsha bitirgen.

1993-1997 jyldary Jambyl qalasy boıynsha salyq ınspektsııasynyń salyq ınspektory, bólim bastyǵy, Jambyl oblysy ákiminiń birinshi orynbasarynyń keńesshisi, Jambyl oblysy ákimi apparatynyń sektor meńgerýshisi qyzmetterin atqardy. 1997-2008 jyldary «Zeınetaqy tóleý memlekettik ortalyǵy» RMKK Jambyl oblysy boıynsha fılıalynyń dırektory boldy. 2008-2009 jyldary – QR Eńbek jáne halyqty áleýmettik qorǵaý mınıstrliginiń Baqylaý jáne áleýmettik qorǵaý komıtetiniń tóraǵasy, 2009-2012 jyldary – QR Eńbek jáne halyqty áleýmettik qorǵaý vıtse-mınıstri, 2012-2015 jyldary – QR Premer-Mınıstri Keńsesi Basshysynyń orynbasary boldy. 2015-2017 jyldary – QR Densaýlyq saqtaý jáne áleýmettik damý vıtse-mınıstri, QR Eńbek jáne halyqty áleýmettik qorǵaý vıtse-mınıstri, 2017 jylǵy jeltoqsannan – QR Kásipodaqtar federatsııasy tóraǵasynyń birinshi orynbasary qyzmetin atqardy.

QR Úkimetiniń Qaýlysymen Áset Irǵalıev QR Ulttyq ekonomıka vıtse-mınıstri qyzmetine taǵaıyndaldy.

Áset Armanuly Irǵalıev 1986 jyly Qostanaı qalasynda dúnıege kelgen. 2008 jyly Qazaqstandyq menedjment, ekonomıka jáne boljamdaý ınstıtýtyn, Shvetsııada halyqaralyq bıznes mektebin, 2009 jyly — Iork ýnıversıtetin jáne 2010 jyly — Nottıngem ýnıversıtetin támamdaǵan. Mamandyǵy — ekonomıst. Memlekettik – qazaq, orys, aǵylshyn jáne nemis tilderin meńgergen.

Eńbek jolyn 2010 jylǵy qyrkúıek aıynda Londondaǵy Eýropa qaıta qurý jáne damý bankiniń (EQQDB) ekonomıka departamentinde Shyǵys Eýropa jáne Kavkaz boıynsha ekonomıkalyq saıasattyń aımaqtyq taldaýshysy retinde bastaǵan. 2011 jylǵy qazan aıynan 2012 jylǵy qarasha aralyǵynda osy departamentte Bas óńirlik taldaýshy bolyp qyzmet atqarǵan. 2011 jylǵy qarasha aıynda banktiń óńirlik ekonomısi bolyp eńbek etken. 2013 jylǵy qańtarda «Ekonomıkalyq zertteýler ınstıtýty» AQ Kásipkerlikti damytý ortalyǵynyń dırektory bolyp taǵaıyndalǵan. Atalǵan qurylymda Á. Irǵalıev 2016 jyldyń basyna deıin Basqarma tóraǵasynyń birinshi orynbasary, Basqarma tóraǵasynyń orynbasary, vıtse-prezıdent laýazymdaryn atqarǵan. 2016 jylǵy aqpan aıynda «Ekonomıkalyq zertteýler ınstıtýty» AQ basqarma tóraǵasy bolyp taǵaıyndalǵan. 2016 jylǵy qazan aıynda «Báıterek» UBH» AQ Basqarma tóraǵasynyń keńesshisi qyzmetin atqardy, 2016 jylǵy jeltoqsanda QR Premer-Mınıstriniń keńesshisi bolyp taǵaıyndalǵan. 2017-2018 jyldary QR Premer-Mınıstri Keńsesiniń Jobalyq basqarý ortalyǵynyń meńgerýshisi laýazymyn atqarǵan. 2018 jylǵy qyrkúıekten 2019 jylǵy naýryz aralyǵynda QR ulttyq ekonomıka vıtse-mınıstri qyzmetin atqarǵan. 2019 jylǵy naýryzdan qazirgi taǵaıyndaýǵa deıin QR Premer-Mınıstriniń Keńsesi basshysynyń orynbasary bolyp qyzmet etken.

QR Premer-Mınıstri Keńsesi basshysynyń orynbasary qyzmetine Shymkent qalasy ákiminiń orynbasary bolǵan Danat Jýmın keldi.

Danat Esboluly Jýmın 1983 jyly 14 sáýirde Qostanaı oblysynda dúnıege keldi. 2006 jyly L.N.Gýmılev atyndaǵy Eýrazııa ulttyq ýnıversıtetin «saıasattanýshy», 2009 jyly AQSh Montana ýnıversıtetin «memlekettik basqarý magıstri» mamandyǵy jáne 2017 jyly AQSh Garvard bıznes mektebin joǵary basshylardy daıarlaý baǵdarlamasy boıynsha bitirgen.

2003-2007 jyldary Qazaqstan jastar kongresiniń atqarýshy dırektory, 2009-2011 jyldary QR Prezıdenti janyndaǵy memlekettik basqarý akademııasynyń dıplomatııa ınstıtýty rektorynyń keńesshisi, dırektordyń orynbasary, 2011-2013 jyldary Astana qalasyndaǵy «Apex Consult» JShS-niń bas dırektory, 2013-2014 jyldary «Báıterek» Ulttyq basqarýshy holdıngi» AQ hatshylyǵynyń basshysy, basqarýshy tóraǵasynyń keńesshisi bolǵan. 2014-2016 jyldary «Qazaqstan 2050» jalpyulttyq qozǵalysy keńesiniń tóraǵasy, 2016-2017 jyldary Shymkent qalasy ákiminiń shtattan tys keńesshisi, 2017-2018 jyldary «Nur Otan» partııasy ortalyq apparatynda saıası jumystar departamentiniń dırektory qyzmetterin atqarǵan. 2018-2019 jyldary Shymkent qalasy ákiminiń orynbasary boldy.

Sonymen birge, QR Ekologııa, geologııa jáne tabıǵı resýrstar vıtse-mınıstri laýazymyna Sanjar Jarkeshov taǵaıyndaldy.

Sanjar Serikbaıuly Jarkeshov 1986 jyly 24 qazanda Qaraǵandy oblysynda týǵan. 2009 jyly Qazaq ekonomıka, qarjy jáne halyqaralyq saýda ýnıversıtetin «qarjy» mamandyǵy boıynsha, al 2010 jyly – AQSh Tehas ýnıversıtetin «munaıgaz ınjınırıngi» mamandyǵy boıynsha bitirgen.

Eńbek jolyn 2008 jyly Tehasta (AQSh) Ostın qalasynda Munaı jáne geojúıelik ınjınırıng ortalyǵynyń zertteýshi ınjeneri bolyp bastady. 2010-2016 jyldary «ExxonMobile» Korporatsııasynda Kalıfornııa, Kolorado jáne Tehas (AQSh) shtattarynda burǵylaý jónindegi ınjener, Irakta burǵylaý jónindegi aǵa ınjener, Reseıde (Sahalın araly) burǵylaý jónindegi bas ınjener, Atyraý qalasynda aǵa jobalyq ınjener bolyp eńbek etti. 2016-2018 jyldary - Shotlandııadaǵy Pert qalasynda «Merlin ERD» kompanııasynda kásipshilik sýpervaızerler basshysy jáne burǵylaý jónindegi jetekshi ınjener boldy. 2018 jyldyń naýryz aıynan qazirge deıin Ulybrıtanııada London qalasynda McKinsey and Company kompanııasynda munaı ónerkásibiniń jahandyq sarapshysy jáne basqarýshy keńesshisi bolyp jumys istedi.

Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń jańa tóraǵasy bolyp Ashat Qaınarbekov taǵaıyndaldy.

Ashat Qanatuly Qaınarbekov 1975 jyly 23 aqpanda týǵan. 1997 jyly Abaı atyndaǵy Almaty memlekettik ýnıversıtetin «Quqyqtaný» mamandyǵy, 2003 jyly T. Rysqulov atyndaǵy Qazaq ekonomıkalyq ýnıversıteti «ekonomıka» mamandyǵy boıynsha, 2006 jyly M. V. Lomonosov atyndaǵy Máskeý memlekettik ýnıversıtetin; 2009 jyly Garvard bıznes mektebin, 2016 jyly Kolýmbııa ýnıversıtetin bitirgen. «Bolashaq» baǵdarlamasynyń túlegi. Ekonomıka boıynsha memlekettik basqarý magıstri.

Eńbek jolyn 1998 jyly QR Syrtqy ister mınıstrligi Ekinshi departamentiniń mamany bolyp bastaǵan. 1999-2001 jyldary QR SІM TMD departamentiniń referenti, attashe, úshinshi hatshysy laýazymdarynda jumys istedi. 2001-2002 jyldary – Almaty oblysy Talǵar aýdany ákiminiń orynbasary, 2010-2018 jyldary Aqmola oblysy ákiminiń orynbasary qyzmetin atqardy. 2018 jyldyń qańtar aıynan atalǵan taǵaıyndaýǵa deıin QR Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory qyzmetin atqardy.

QR Ulttyq ekonomıka mınıstrligi Básekelestikti qorǵaý jáne damytý komıtetiniń tóraǵasy bolyp Rýstam Ahmetov taǵaıyndaldy.

Rýstam Nurlanuly Ahmetov 1978 jyly 22 aqpanda Qaraǵandy oblysy Temirtaý qalasynda týǵan. 1999 jyly Qazaq memlekettik zań ýnıversıtetin bitirgen. Eńbek jolyn 1999 jyly QR Memlekettik kirister mınıstrliginiń kinárat-qýynym jumysy bóliminiń jetekshi mamany bolyp bastady. 2001 jyly QR Prezıdent Ákimshiliginiń memlekettik-quqyqtyq bóliminiń aǵa referenti qyzmetine qabyldandy. Túrli jyldary QR Prezıdent Ákimshiliginiń memlekettik-quqyqtyq bóliminiń keńesshisi, zańnama jáne quqyqtyq saraptama bóliminiń bas sarapshysy, sektor meńgerýshisi bolyp jumys istedi. 2011 jyly QR Tabıǵı monopolııalardy retteý agenttiginiń jaýapty hatshysy qyzmetine taǵaıyndaldy. 2014 jyldyń tamyz aıynan 2017 jyldyń sáýir aıynyń aralyǵynda QR UEM Tabıǵı monopolııalardy retteý jáne básekelestikti qorǵaý komıteti tóraǵasynyń orynbasary boldy. 2017 jylǵy sáýir aıynan qazirge deıin QR Ulttyq ekonomıka mınıstrliginiń Tabıǵı resýrstardy retteý, básekelestikti jáne tutynýshylardyń quqyqtaryn qorǵaý komıteti tóraǵasynyń orynbasary laýazymyn atqardy.

22 tamyzda QR Kásipodaqtar federatsııasy Atqarý komıtetiniń otyrysynda federatsııa tóraǵasynyń jańa orynbasarlary saılandy. Tóraǵanyń birinshi orynbasary bolyp Nurmuhambet Ábdibekov taǵaıyndaldy.

Nurmuhambet Qanapıuly Ábdibekov – mamandyǵy boıynsha taý-ken ınjeneri, óndiristegi kásipodaqtardyń jumysymen etene tanys. Ár jyldary Aqtóbe, Atyraý kásiporyndarynda jáne memlekettik organdarda qyzmet atqarǵan, QR Indýstrııa jáne jańa tehnologııalar vıtse-mınıstri, Aqtóbe qalasynyń ákimi, Aqtóbe oblysy ákiminiń birinshi orynbasary, Qaraǵandy oblysynyń ákimi, Esep komıtetiniń tóraǵasy, «Qazaqstan ınjınırıng» Ulttyq kompanııasy» AQ Basqarma tóraǵasy bolǵan.

Al tóraǵanyń orynbasary bolyp Erjan Egemberdıev saılandy. QR KF Quqyqtyq qamtamasyz etý jáne halyqaralyq áriptestik departamentiniń dırektory laýazymyn atqarǵan. Erjan Oshaqbaıuly Egemberdıev – zań ǵylymdarynyń kandıdaty. Ár jyldary Joǵarǵy sot janyndaǵy Sot tóreligi akademııasynda, QR Prezıdenti janyndaǵy Memlekettik basqarý akademııasynda, L.N.Gýmılev atyndaǵy Eýrazııa ulttyq ýnıversıtetinde jáne QR Ádilet mınıstrliginde qyzmet atqarǵan.

«Nur Otan» partııasynyń jetekshisi N.Á. Nazarbaevtyń Qaýlysymen Omarhan Óksikbaev partııa janyndaǵy Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń tóraǵasy, Pavel Kazantsev Partııalyq baqylaý komıtetiniń tóraǵasy bolyp taǵaıyndaldy.

Omarhan Nurtaıuly Óksikbaev 1954 jyly 22 jeltoqsanda Almaty oblysy Balqash aýdany Kóktal aýylynda týǵan. Almaty halyq sharýashylyǵy ınstıtýtyn bitirip, Frantsııada (Parıjde) «Naryqtyq ekonomıkadaǵy aýdıtorlyq qyzmet» mamandyǵy boıynsha bilim aldy. Ekonomıka ǵylymdarynyń doktory. QR Prezıdenti Ákimshiligi Bas baqylaý ınspektsııasynyń basshysy, QR Qaýipsizdik Keńesiniń hatshysy, Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy qyzmetterin atqarǵan. 2016 jylǵy 25 naýryz aıynan bastap – altynshy shaqyrylǵan QR Parlamenti Májilisiniń depýtaty, «Nur Otan» Halyqtyq-Demokratııalyq partııasynyń múshesi. «Qurmet», «Parasat» ordenderimen medaldarmen marapattalǵan.

Pavel Olegovıch Kazantsev 1960 jyldyń 22 naýryzynda Tomsk qalasynda dúnıge kelgen. Altynshy shaqyrylǵan Qazaqstan Respýblıkasy Parlamenti Májilisiniń depýtaty. Tselınograd ınjenerlik-qurylys ınstıtýtyn, F.E.Djerzınskıı atyndaǵy KSRO MQK Joǵary mektebin bitirgen. Ár jyldary QR Tuńǵysh Prezıdenti – Elbasy qorynyń damý boıynsha menedjeri, baǵdarlamalardy, is-sharalardy, syrtqy baılanystar men kommýnıkatsııany josparlaý qyzmetiniń jetekshisi, QR Kásipodaqtar federatsııasy tóraǵasynyń orynbasary bolǵan. «Qurmet», «Eren eńbek úshin» medaldarymen marapattalǵan.

QR Prezıdenti Teleradıo kesheniniń bas dırektory bolǵan Erlan Bekhojın «Habar» Agenttigi» AQ basqarma tóraǵasy bolyp taǵaıyndaldy.

Erlan Qalıjanuly Bekhojın 1963 jyly 6 mamyrda dúnıege keldi. Shymkent qalasynda týǵan. Qazaq memlekettik ýnıversıtetin, Ortalyq Azııa ýnıversıtetin bitirgen. 1994-1997 jyldary - «Habar» agenttigi aqparattyq baǵdarlamasynyń júrgizýshisi, «Jeti kún» aqparattyq baǵdarlamasynyń avtory ári júrgizýshisi. 1998-2003 jyldary - Qazaqstan Respýblıkasyndaǵy «Mır» halyqaralyq teleradıokompanııasynyń dırektory. 2003-2009 jyldary «Lıter-Medıa» JShS bas dırektory, «Lıter» jáne «Aıqyn» gazetteri redaktsııalyq keńesteriniń tóraǵasy. 2009 jylǵy aqpannan sońǵy taǵaıyndaýǵa deıin QR Prezıdenti Teleradıo kesheniniń bas dırektory boldy. «Bas redaktorlar klýbynyń» prezıdenti. «Qurmet» ordenimen marapattalǵan. «Jyldyń úzdik jýrnalısi» nomınatsııasynda «Altyn juldyz» syılyǵynyń laýreaty (1996). Reseı jýrnalıster odaǵynyń (1997) jáne Qazaqstan jýrnalıster odaǵy (2000) syılyqtarynyń laýreaty. BAQ salasyndaǵy QR Prezıdenti syılyǵynyń laýreaty (2008).

Óńirlerge kelsek, Almaty ákimi Baqytjan Saǵyntaevtyń ókimimen jáne Qazaqstan Respýblıkasy Prezıdenti Ákimshiliginiń kelisimimen Erlan Qojaǵapanov qala ákiminiń orynbasary qyzmetine taǵaıyndaldy.

Erlan Qojaǵapanov 1968 jyly týǵan. 1992 jyly Qaraǵandy memlekettik ýnıversıtetin «Ekonomıka» mamandyǵy boıynsha bitirdi. 1999 jyly - Almaty memlekettik ýnıversıteti «Qarjy» mamandyǵy boıynsha , 2006 jyly RF Memlekettik keden komıtetiniń Reseı keden akademııasyn «Zańger» mamandyǵy boıynsha bitirdi. 1987-1989 jyldary KSRO Qarýly Kúshterinde qyzmet etti. 1990 jyldan 1994 jylǵa deıin kásipkerlikpen aınalysqan. 1994-2007 jyldary - memlekettik organdar men kásiporyndarda jumys istedi. 2007-2013 jyldary Astana qalasy ákiminiń orynbasary, 2013-2016 jyldary – QR Sport jáne dene shynyqtyrý isteri agenttiginiń tóraǵasy jáne QR fýtbol federatsııasynyń prezıdenti, 2016-2017 jyldary QR P remer- M ınıstriniń keńesshisi, 2017 jyldan bastap – QR Mádenıet jáne sport vıtse-mınıstri qyzmetinde bolǵan.

Sondaı-aq, tanymal qazaqstandyq sportshy ári qoǵam belsendisi Ýálıhan Ten Almaty qalasynyń ákimi Baqytjan Saǵyntaevtyń keńesshisi boldy.

Ýálıhan Ten 1979 jyly týǵan, eki joǵarǵy bilimi bar. Ol Energetıka jáne baılanys ınstıtýtyn, sondaı-aq Sport jáne týrızm Akademııasyn bitirgen. Ten - paýerlıftıng boıynsha Álem, Eýropa jáne Azııa chempıony, bodıbıldıngten QR chempıony, eki dúrkin Álem jáne Azııa chempıony, paýerlıftıng boıynsha Eýropa chempıony. Qazirgi ýaqytta - World Class Almaty fıtnes-klýbynyń basqarýshy dırektory. Ol sonymen birge WRPF KZ paýerlıftıng federatsııasynyń jáne WPC KZ-tiń prezıdenti, WRPF-tiń Qazaqstandaǵy resmı ókili.

2018 jyldyń aıaǵynan bastap, MMA aralas jaýyngerlik jekpe-jek federatsııasynyń bas dırektory. Sondaı-aq, ol «Almaty Triathlon Federation» qoǵamdyq birlestiginiń jáne «Birinshi bolý batyldyq!» (Almaty marafony) korporotıvtik qorynyń qamqorshylyq keńesteriniń múshesi. 2015 jyly sportshy kópjyldyq tájirıbe negizinde «Drýgoı ty!» kitabyn jazdy, onda dene shynyqtyrý, tamaqtaný, kún tártibi jáne t.b. sabaqtar boıynsha usynystar aıtyldy.

Mańǵystaý oblysy ákiminiń orynbasary qyzmetine Baqytjan Qashaqov taǵaıyndaldy.

Baqytjan Amanjoluly Qashaqov 1982 jyly týǵan, ulty qazaq, bilimi joǵary. 2002 jyly Qazaq-Amerıkalyq ýnıversıtetin «Qarjy jáne kredıt» mamandyǵy boıynsha, 2003 jyly Dıkınson memlekettik ýnıversıtetin (AQSh) qarjy - ekonomıst mamandyǵy boıynsha aıaqtaǵan.

Eńbek jolyn 2003 jyly «Kompanııa Terra Holdıng LTD» JShS qarjy máselesi boıynsha dırektordyń orynbasary bolyp bastaǵan. 2007-2009 jyldary Almaty qalasy boıynsha, Medeý aýdany boıynsha salyq komıteti zańdy tulǵalar aýdıti bóliminiń mamany-salyq ınspektory, jetekshi mamany-jetekshi salyq ınspektory bolyp qyzmet atqardy. 2009-2012 jyldary Almaty qalasy boıynsha salyq komıteti Halyqaralyq salyq salý bóliminiń bas mamany-bas salyq ınspektory bolyp jumys istedi. 2012-2013 jyldary QR Qurylys jáne turǵyn úı-kommýnaldyq sharýashylyq isteri agenttigi Turǵyn úı qurylysy departamentiniń Vedomstvolyq baǵynysty qarjylyq uıymdarmen jumys boıynsha basqarmanyń bastyǵy laýazymyn atqardy.

2013-2014 jyldary QR Óńirlik damý mınıstrliginiń Sáýlet, qala qurylysy jáne qurylys departamentiniń Qurylys jáne qarjy ınstıtýttarymen jumys basqarmasynyń bas sarapshysy, basshysy laýazymdaryn, 2014-2016 jyldary QR Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń Jobalyq jumystar basqarmasynyń bas sarapshysy, qarjy ınstıtýttarymen jumys basqarmasynyń basshysy, Turǵyn úı qurylysy jáne turǵyn úı-kommýnaldyq sharýashylyǵyn ekonomıkalyq taldaý basqarmasynyń basshysy laýazymdaryn atqardy. 2016 jylǵy qarashadan 2017 jylǵy sáýirge deıin QR Ulttyq ekonomıka mınıstrliginiń Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary laýazymyn atqardy. 2017 jylǵy 20 sáýirden bastap QR Investıtsııalar jáne damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary laýazymyn atqarady. 2019 jyly aqpannan bastap QR Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary boldy.


Perevod Aıjan Serikjanqyzy
Basty sózder: Qoǵam, Taǵaıyndaý,
Joǵary qaraı