Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy Belarýs elshiligine «bomba qoıǵan» kúdikti izdestirilip jatyr

2021 jyldyń 1 qazan 2021 21:50

NUR-SULTAN. QazAqparat - Búgin Belarýs Respýblıkasynyń Qazaqstandaǵy elshiliginiń poshtasyna belgisiz bireýler hat joldap, ǵımaratqa bomba qoıylǵanyn aıtqan, dep habarlaıdy QazAqparat.

Nur-Sultan qalalyq polıtsııa departamenti baspasóz qyzmetiniń málimetine sensek, 1 qazan kúni 102 qyzmetine Belarýs Respýblıkasynyń Qazaqstandaǵy elshiliginen habar túsken.

Qyzmetkerlerdiń aıtýynsha, elshiliktiń elektrondy poshtasyna belgisiz bireýler hat joldap, ǵımaratta jarylǵysh zat bar ekenin aıtyp qorqytqan.

Qalalyq polıtsııa departamentiniń kúsh-jigerimen elshilik túgel qaraldy, atalmysh aqparat rastalǵan joq.

Belarýs elshiliginiń ǵımaratynan qaýipti eshteńe tabylmaǵan.

Atalǵan fakti negizinde sotqa deıingi tergeý bastaldy. Kinálini jedel izdestirý sharalary shuǵyl qolǵa alynǵan.

Qalalyq polıtsııa departamenti jarylǵysh zat jaıynda ótirik habarlama jibergenderdiń zańmen jazalanatynyn eske salady.

«Qala turǵyndarynan sebepsiz baıbalam salmaı, messenjerde jalǵan habarlama taratpaýdy ótinemiz» dep eskertedi prolıtsııa.


Avtor Janat Qapalbaeva
Basty sózder: Belarýs, Nur-Sultan, Oqıǵa,
Joǵary qaraı