Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy mıtıngi men jıylystarǵa berilgen ótinish bir tizilimde tirkelýi kerek – qoǵam  belsendisi

2020 jyldyń 17 aqpan 2020 16:36

ALMATY. QazAqparat - Qoǵam belsendisi Bolat Jumataev mıtıngi men jıylystarǵa arnalǵan barlyq ótinishti bir tizilimge tirkeýdi usyndy, dep habarlaıdy QazAqparat tilshisi.

Almatyda QR Aqparat jáne qoǵamdyq damý mınıstri Dáýren Abaev «QR beıbit kezdesýlerdi uıymdastyrý jáne ótkizý tártibi týraly» zań jobasyn talqylady.

Talqylaý barysynda sóz alǵan qoǵamdyq belsendi Bolat Jumataev jańa zań jobasynda mınıstrlik tarapynan eshqandaı keri baılanys joq ekenin atap ótti.

«Biz mıtıng ótkizgimiz keledi, ótinish berdik. Ony jalpy tizilimde kórsetý kerek. Men belgili bir is-sharalardy ótkizýge arnalǵan jalpy ótinishterdi kez-kelgen qazaqstandyq kóre alsa deımin. Onyń qoljetimdi bolǵanyn qalaımyn», - dedi zań jobasynyń tujyrymdamasyn talqylaý barysynda «Halqy adal qyzmet» qoǵamdyq qorynyń ókili.

Onyń pikirinshe, barlyq ótinishter tizilimde tirkelýi kerek, sondaı-aq barlyq tyıym salyǵan sharany adamdar kórýi qajet.

Sonymen qatar, ol «Habar», «Qazaqstan» jáne basqa da memlekettik BAQ-da mindetti túrde kórsetýin usyndy.

«Olar bıýdjetten aqsha alady, sondyqtan elde bolyp jatqan qoǵamdyq belsendilikti kórsetýi kerek. Zań jobasynda memlekettik buqaralyq aqparat quraldarynyń joǵaryda atalǵan oqıǵalardy kórsetýge berilgen ýaqyttyn da belgileý qajet», - deıdi Bolat Jumataev.

Sondaı– aq, ol mıtıngilerdegi quqyq qorǵaý organdary men uıymdastyrýshylardyń jumysyna da toqtaldy.

«Іshki ister mınıstrliginiń jumysyna toqtalǵym keledi. Ózderińiz bilesizder, mundaı sharalarǵa ártúrli adamdar jınalady. Sondyqtan sharany uıymdastyrýshylar men ishki ister mınıstrligi arasynda tikeleı baılanys bolýy kerek. Sonda polıtsııa uıymdastyrýshylardyń ótinishi boıynsha jáne kórsetken adamdardy alyp ketedi, osylaısha túrli arandatýshylyqtardyń aldyn alýǵa bolady», - deıdi qoǵamdyq belsendi.

Buǵan deıin, belsendi Qazaqstanda onlaın mıtıngi ótkizýdi usynǵan bolatyn.



Joǵary qaraı