Aýa raıy
Astana -24 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq 186 eksporterdiń shyǵyndarynyń bir bóligin memleket jaýyp berdi

2020 jyldyń 26 qazan 2020 14:58

NUR-SULTAN. QazAqparat – Qazaqstandyq 186 eksporterdiń shyǵyndarynyń bir bóligin memleket jaýyp, osy baǵytta 4,7 mlrd teńge bólgen. Bul týraly OKQ-da ótken baspasóz máslıhatynda Saýda jáne ıntegratsııa mınıstri Baqyt Sultanov málim etti, dep habarlaıdy QazAqparat tilshisi.

«Shetelge ónimin shyǵaratyn eksporterlerdiń shyǵyndarynyń bir bóligin jabý – jańadan qolǵa alynǵan shara. Alaıda ol asa qajettilikke qoldaý tetigi ekenin atap ótý kerek. Bıyl Vedomstvoaralyq komıssııanyń 14-inshi ret ótkizgen otyrysynda jalpy somasy 4,7 mlrd teńge bolatyn 186 eksporterdiń ótinimi maquldandy», - dedi Baqyt Sultanov.

Mınıstr óz sózin naqty sandarmen shegeleı tústi. Atap aıtqanda otandyq óńdelgen taýarlardy ilgeriletý boıynsha 39 sýbektiniń jalpy 229,4 mln teńgelik 44 ótinimi, otandyq óńdelgen taýarlardy jetkizý boıynsha 182 sýbektiniń jalpy somasy 4 438,3 mln teńgelik 345 ótinimi maquldanǵan. Kóbi temirjol arqyly taýardy jetkizý jaǵynan kómek suraǵan.

«2019 jyly memlekettiń bul qoldaýyn ındýstrıaldy-ınnovatsııalyq baǵyttaǵy 139 sýbekt paıdalandy (jalpy somasy 3,9 mlrd teńge). Shyǵyndarynyń bir bóligin jabý arqyly eksporterler kásiporyndarynyń ónerkásiptik óndiris kólemin 9 paıyzǵa, al eksporttan túsken paıdany 30 paıyzǵa deıin arttyrýǵa qol jetkizdi», - dedi Baqyt Sultanov.


Joǵary qaraı