Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq 50 úzdik ǵalymǵa 6 mln teńgeden syıaqy berildi

2021 jyldyń 31 jeltoqsan 2021 09:34

NUR-SULTAN. QazAqparat - «Úzdik ǵylymı qyzmetker — 2021» syılyǵynyń qorytyndysy belgili boldy, dep habarlaıdy QazAqparat Bilim jáne ǵylym mınıstrligine silteme jasap.

Ǵylymı-zertteý ınstıtýttary men joǵary oqý oryndarynyń 50 ǵalymy jeńimpaz atandy. Olardyń árqaısysy 2 000 AEK, ıaǵnı 5 mln 834 myń teńge kóleminde kýálik pen syıaqy alady.

El Prezıdenti Q.K. Toqaev ǵalymdardy qoldaýǵa erekshe kóńil bóledi. Memleket basshysynyń tapsyrmasy boıynsha bıyl 500-ge jýyq ǵalymnyń ǵylymı taǵylymdamadan ótýine stıpendııa taǵaıyndaldy, sonymen qatar postdoktorantýra úshin jas ǵalymdarǵa 1000 grant bólindi. Prezıdent tarapynan ǵalymdardy qoldaýdyń kezekti sharasy jyl saıynǵy «Úzdik ǵylymı qyzmetker» syılyǵyn taǵaıyndaý boldy. Ol ǵylym men tehnıkanyń damýyna eleýli úles qosqan ǵalymdardy, ǵylymı qyzmetkerlerdi qoldaýǵa baǵyttalǵan.

«Memleket basshysynyń tapsyrmasy boıynsha Bilim jáne ǵylym mınıstrligi ǵalymdar men ǵylymı uıymdardyń, joǵary jáne joǵary oqý ornynan keıingi bilim berý uıymdarynyń qyzmetkerlerin jan-jaqty qoldaý máselelerine nazar aýdarady. Bıyl mınıstrlik alǵash ret elimizdiń úzdik ǵalymdary úshin syıaqy taǵaıyndady. Konkýrsqa qatysýǵa ótinimder osy konkýrs úshin arnaıy qurylǵan jáne avtomatty túrde segiz ólshemshart boıynsha baldary bar aqparattyq júıe arqyly qabyldandy. Ǵylymı jetistikterdi baǵalaý krıterııleri ǵylymı jáne saraptamalyq qaýymdastyqpen birge jasaldy. Barlyq qatysýshy ótinim berý kezeńinde óz balyn kóre aldy. Olardy komıssııa qarady jáne saraptamalyq toptar usynylǵan qujattardyń bekitilgen krıterıılerge sáıkestigin sektsııalarda tekserdi. Komıssııa men sarapshylar tobynyń quramynda jetekshi ǵalymdar, táýelsiz sarapshylar, memlekettik organdardyń ókilderi, jas ǵalymdar keńesi men jas ǵalymdar alıansynyń músheleri jumys istedi»,— dep atap ótti QR BǴM Ǵylym komıtetiniń tóraıymy Janna Qurmanǵalıeva.

Konkýrsqa qatysý úshin barlyǵy 7 baǵyt boıynsha 575 ótinim kelip tústi. Olardyń arasynda jaratylystaný ǵylymdary, ınjınırıng jáne tehnologııalar, medıtsına jáne densaýlyq saqtaý, áleýmettik jáne gýmanıtarlyq ǵylymdar, aýyl sharýashylyǵy jáne veterınarııa ǵylymdary, áskerı ǵylymdar jáne Ulttyq qaýipsizdik ǵalymdary boldy. Nátıjesinde komıssııa 6 ǵylymı zertteý ınstıtýttary men 16 joǵary oqý orynynan 50 ǵalymǵa «Úzdik ǵylymı qyzmetker-2021» syılyǵyn berý týraly sheshim qabyldady.

Olardyń arasynda L. N. Gýmılev atyndaǵy Eýrazııa ulttyq ýnıversıtetiniń professory Rahmetqajy Bersimbaı, ıAdrolyq fızıka ınstıtýty fılıalynyń jetekshisi Maksım Zdorovets, Qaraǵandy tehnıkalyq ýnıversıtetiniń professory Arıstotel Isaǵulov, Onkologııa jáne radıologııa ǵylymı zertteý ınstıtýtynyń basqarma tóraıymy Dılıara Qaıdarova, Ál-Farabı atyndaǵy Qazaq ulttyq ýnıversıtetiniń professory PhD doktory Qaırat Dáýletov, Qazaq ulttyq agrarlyq zertteý ýnıversıtetiniń professory Qaısar Tabynov jáne basqalar qatysty.


Joǵary qaraı