Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq ánshi «Slavıan bazary» festıvaliniń bas júldesin jeńip aldy

2021 jyldyń 19 shilde 2021 07:29

VITEBSK. QazAqparat – Vıtebskte ótken «Slavıan bazary» baıqaýynyń gran-prı júldesin qazaqstandyq ánshi Rýhııa Baıdúken aldy, dep habarlaıdy QazAqparat Mádenıet jáne sport mınıstrligine silteme jasap.

14 memleketten kelgen qatysýshy slavıan elinen shyqqan kompozıtordyń týyndysyn slavıan tobyna jatatyn tildiń birinde orkestrdiń súıemeldeýimen oryndady. Baıqaý nátıjesinde qazaqstandyq Rýhııa Baıdúkenova Gran-prı ıegeri atanyp, «Altyn lıra» músinshesimen birge 20 myń AQSh dollaryna ıe boldy.

Birinshi oryn men Belarýs Prezıdentiniń «Slavıan úmiti» arnaıy nomınatsııasyn serbııalyq Irına Arsenıevıch aldy. Al Danııl Myshkovts (20 jas, Belarýs) pen ýkraınalyq Renata Shtıfel ekinshi dárejeli dıplommen marapattaldy. Sonymen qatar úzdik úshtikti slovakııalyq Ivanna men ázirbaıjandyq Tofık Gadjıev túıindedi.


Rýhııa Baıdúken 1998 jyly Taldyqorǵan qalasynda dúnıege kelgen. Ol Qazaq Ulttyq óner ýnıversıtetinde «Estrada jáne vokal» mamandyǵynda oqıdy. Onyń daýysy tórt jarym oktavaǵa jetedi.

«Men ónerge bala kezimnen qushtarmyn, otbasymda Baıdúken atam ónerge jaqyn boldy. 4 synyptan bastap Taldyqorǵan qalasyndaǵy Óner mektebinde vokal synybynda bilim aldym. Qazir vokaldan sabaq beremin jáne meniń oqýshylarym – bir-birine uqsamaıtyn jeke tulǵalar. Onyń arasynda 5 jasar bala da bar, 30-dan asqan eresekter de bar. 22 jasymda ustazdyqty birge alyp júrý – úlken mindet dep oılaımyn. Onyń barlyǵy adamnyń ósýine kómektesedi», - deıdi jas ánshi QazAqparat tilshisine bergen suhbatynda. Rýhııa Baıdúken «Slavıan bazary» baıqaýyna daıyndyqtyń qalaı júrip jatqanyn aıtyp berdi.

Aıta keteıik, «Slavıan bazary» baıqaýy 1992 jyldan beri ótkizilip keledi. 2015 jyly Dımash Qudaıbergen, al 2019 jyly – Ádilhan Makın Qazaqstan atynan qatysyp, bas júlde ıelengen edi.



Joǵary qaraı