Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq balýan Rýmynııada ótken Álem kýbogynda jeńimpaz boldy

2021 jyldyń 13 qyrkúıek 2021 17:38

PETROPAVL. QazAqparat – Soltústik Qazaqstan oblysyndaǵy «Qyzyljar Arlandary» sport klýbynyń múshesi Muhıt Tursynov Rýmynııanyń Konstantsa qalaynda halyqaralyq etnıkalyq mádenıet festıvali aıasynda qazaq kúresinen ótken Álem kýbogynda jeńiske jetti, dep habarlaıdy QazAqparat tilshisi.

«Qazaq kuresi» qaýymdastyǵynyń málimetinshe, Rýmynııanyń Konstantsa qalasynda ótken Álem Kýbogyna 21 elden kelgen 128 balýan qatysty.

Jarysty Qazaqstan Respýblıkasynyń «Qazaq kuresi» qaýymdastyǵy, Rýmynııa «Qazaq kuresi» qaýymdastyǵy jáne Rýmynııa Syrtqy Іster mınıstrligi uıymdastyrǵan. Eki el birigip ótkizgen bul saıys - koronavırýs pandemııasy bastalǵaly beri qolǵa alynǵan alǵashqy iri halyqaralyq doda.




«Bul - Álem chempıonatynyń aldyndaǵy daıyndyq jarysy deýge bolady. Joǵary deńgeıde uıymdastyryldy. Oǵan halyqaralyq mamandardyń tól ónerimizge bergen joǵary baǵalary dálel. Jarys barysynda soltústikqazaqstandyq balýan Muhıt Tursynov 100 kg salmaq dárejesinde jeńimpaz atandy», - delingen habarlamada.

Álem kýbogy barysynda ulttyq dástúr nasıhattalyp qana qoımaı, ózge kúres túrlerinen de festıvaldar ótti. Atap aıtqanda, qurash, aba jáne qyrym kúresteri boıynsha saıystar, at jarys, sadaq atý, semserlesý, naızamen aıqasý syndy kóshpendiler oıyndary ótti. Sondaı-aq, toǵyzqumalaq jáne mangala oıyndarynyń tanystyrylymy uıymdastyryldy.

Qazaq kúresinen Álem Kýbogynda top jarǵan sportshylar medaldarmen jáne aqshalaı syıaqymen marapattaldy.


Joǵary qaraı