Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq bitimgerler Afrıka elderinde BUU mıssııasyna qatysýy múmkin

2021 jyldyń 2 jeltoqsan 2021 18:41

NUR-SULTAN. QazAqparat - Qazaqstandyq bitimgerlerdi BUU-nyń Afrıkadaǵy operatsııalaryna daıyndaý máselesi qaraldy, dep habarlaıdy QazAqparat.

Qorǵanys mınıstrligi men Halyqaralyq Qyzyl krest komıteti arasynda onlaın túrde shtabtyq kelissóz júrgizildi.

Taraptar BUU-nyń Afrıkadaǵy mıssııalaryna qatysý maqsatynda Qazaqstan Qarýly Kúshteriniń bitimgershilik kontıngentin daıyndaýdyń ózekti máseleleri jóninde pikir almasty.

Halyqaralyq Qyzyl Krest komıtetiniń sarapshylary Ortalyq Afrıka Respýblıkasy, Kongo jáne Malıdegi qazirgi gýmanıtarlyq jaǵdaıǵa qatysty tájirıbe jáne derekterdi bólisti.

Qazaqstan Qarýly Kúshteriniń bitimgershilik kontıngentin daıarlaý sheńberinde qorǵanys vedomstvosymen yntymaqtastyq joǵary baǵalandy.

Bul rette Bitimgershilik daıyndyq ortalyǵy jáne QR Tuńǵysh Prezıdenti – Elbasy atyndaǵy Ulttyq qorǵanys ýnıversıtetimen ózara is-qımyldy atap ótýge bolady.

Halyqaralyq Qyzyl Krest komıteti el áskeri úshin mamandar daıarlaýǵa, Qazaqstan aýmaǵyndaǵy oqý-jattyǵýǵa qatysý úshin ókilder jiberýge, sondaı-aq nusqaýshylar quramyn almastyrýǵa qoldaý kórsetýge ázir ekenin rastady.

Esterińizge sala ketsek, Shveıtsarııaǵa jasaǵan resmı sapary aıasynda Memleket basshysy Qasym-Jomart Toqaev Halyqaralyq Qyzyl Krest Komıtetiniń Prezıdenti Peter Maýermen kezdesip, onda el áskerı qyzmetshileriniń BUU bitimgershilik operatsııalaryna qatysý aýqymyn keńeıtý jónindegi josparlary týraly málimdegen bolatyn.

Áskerı kontıngent jiberetin el retinde Qazaqstannyń róli erekshe ataldy.

Buǵan deıin el Prezıdenti Qazaqstannyń beıbitshilik, halyqaralyq qaýipsizdik jáne turaqtylyq qaǵıdattaryna beıildiligin Qarýly Kúshterdiń bitimgershilik qyzmeti is júzinde kórsetedi dep atap ótken bolatyn.


Joǵary qaraı