Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq boksshy jastar arasyndaǵy Azııa chempıonatynda tehnıkasy eń myqty sportshy atandy

2021 jyldyń 31 tamyz 2021 19:54

NUR-SULTAN. QazAqparat – Qazaqstandyq boksshy Elnur Súıinbaı Dýbaıda (BAÁ) ótken jastar arasyndaǵy Azııa chempıonatynda tehnıkasy eń myqty sportshy atandy, dep habarlaıdy QazAqparat Sports.kz-ke silteme jasap.

63,5 kelige deıingi salmaq dárejesinde óner kórsetetin Súıinbaı aqtyq aıqasta úndistandyq Vanshadjben kezdesip, tóreshilerdiń biraýyzdan sheshimimen jeńimpaz atandy.

Qazaqstannyń erler arasyndaǵy jastar quramasy (2003-2004jj.) birinshilikte 12 medal jeńip aldy: segiz altyn, eki kúmis jáne eki qola.

Medal sany boıynsha ekinshi orynda Ózbekstan – olarda jeti medal bar (úsh altyn, úsh kúmis jáne bir qola). Úshinshi orynda Úndistan toǵyz medalmen (eki altyn, úsh kúmis jáne tórt qola) tur.


Basty sózder: Qoǵam, Boks, Sport,
Joǵary qaraı