Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq djıý-djıtsý sportshysy Azııanyń úsh dúrkin chempıony atandy

2021 jyldyń 16 qyrkúıek 2021 17:52

ATYRAÝ. QazAqparat – Atyraýlyq sportshy Azııanyń úsh dúrkin chempıony atandy, dep habarlaıdy QazAqparat.

Oblystyq sport jáne dene shynyqtyrý basqarmasy baspasóz qyzmetiniń aqparatyna súıensek, 10 qyrkúıekte Birikken Arab Ámirliginiń Abý-Dabı qalasynda djıý-djıtsýdan Azııa chempıonaty bastalǵan. Chempıonat erteń, 17 qyrkúıekte aıaqtalady.

«Azııa chempıonatyna atyraýlyq sportshy Jeńis Nurlybaev 56 keli salmaqta baq synady.

Ol Úndistan, Taıland, Ózbekstan elderinen kelgen jáne qazaqstandyq sportshylarmen kezdesý ótkizdi. Qarsylastarynyń bárin utqan Jeńis Azııa chempıonatynyń altyn medalin ıelendi. Osylaısha, ol Azııanyń úsh dúrkin chempıony atanyp otyr» -dep habarlady basqarmanyń baspasóz qyzmeti.

Atyraýlyq sportshy Jeńis Nurlybaev buǵan deıin 2018, 2019 jyldary qurlyqtyq chempıonattyń jeńimpazy atanǵan.

Eske sala ketelik, buǵan deıin atyraýlyq balýan álem kýboginiń ıegeri atanǵanyn habarlaǵan edik.
Avtor Bek Mustafa
Basty sózder: Atyraý oblysy, Sport,
Joǵary qaraı