Aýa raıy
Astana -23 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq fılm Varshava kınofestıvaliniń bas júldesin jeńip aldy

2020 jyldyń 18 qazan 2020 11:24

VARShAVA. QazAqparat - Rejısser Farhat Sháripov túsirgen «18 kılogerts» atty kórkem fılm qazaq kınosynyń tarıhynda alǵash ret 36-shy Halyqaralyq Varshava kınofestıvaliniń bas júldesin jeńip aldy. Bul týraly keshe festıvaldiń jabylý saltanatynda belgili boldy, dep habarlaıdy QazAqparat.

Marapattaý rásimi kezinde tikeleı efırge qosylǵan otandyq rejısser Farhat Sháripov qýanyshyn jasyrmaı, júldege qol jetkizgenine senbeı otyrǵanyn aıtty.

- Festıval uıymdastyrýshylaryna alǵysym sheksiz. Osy qıyn kezeńde kınoǵa kóńil bólgenderińizge rahmetimdi aıtamyn. Sondaı-aq fılmge túsken debıýtant-akterlerge, týyndymyzdyń prodıýserine jáne kartınanyń túsirý tobyna alǵysymdy aıtamyn , - deıdi ol.

- Fılm barlyq júldelerge laıyqty. Bul - oqıǵany shynaı baıandaıtyn keremet týyndy. Biz tamashalaǵan 16 fılmniń ishinen qaısysy úzdik ekenin biz, qazylar alqasy, birden túsindik. Ár qazylar alqasynyń múshesi ózine unaǵan úsh fılmniń tizimin berdi. Bul tizimdi jarııalaǵan soń bas júlde kimge buıyratynyn birden túsindik, óıtkeni ár qazylar alqasy óz tiziminde birinshi orynda «18 kılogerts» fılmin belgilegen eken, - dedi halyqaralyq qazylar alqasynyń múshesi, Lıtvanyń mádenıet mınıstri Lıana Rýokıte-Ionsson.

Esterińizge sala ketsek, «18 kılogerts» - 90-shy jyldardyń sońyndaǵy jasósprimderdiń ómirinen syr shertetin fılm.

Fılmniń túsirý jumystary Almaty qalasynda júrgizildi. Basty rólderdi Musahan Jumahan, Álibek Ádiken, Kamıla Fýn-So esimdi jas debıýtant-akterler somdady.

Álemdegi eń bedeldi kıno baıqaýlardyń biri – Varshavadaǵy Halyqaralyq kınofestıval 1985 jyly negizi qalanǵan bolatyn. Halyqaralyq kınoprodıýserler qaýymdastyǵynyń federatsııasy sheshimimen 2009 jyly bul festıvalge «A» sanaty berilgen bolatyn.

Bıyl, koronavırýs indeti saldarynan dúnıe júzinde oryn alǵan qıyn jaǵdaıǵa qaramastan Varshava kınofestıvali qazannyń 9-y men 18-i aralyǵynda ádettegi dástúrli formatta ótti.

Buǵan deıin qazaqstandyq rejısser Farhat Sháripov túsirgen «18 kılogerts» jańa kórkem fılmniń álemdik tusaýkeseri Ortalyq jáne Shyǵys Eýropanyń eń bedeldi festıvalderiniń biri – 36-shy Halyqaralyq Varshava kınofestıvaliniń (WFF) negizgi baıqaýy sheńberinde ótetinin habarlaǵan bolatynbyz.



Basty sózder: Óner, Mádenıet,
Joǵary qaraı