Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq ǵalymdar maımyl sheshegine qarsy vaktsına jasaýǵa daıyn

2022 jyldyń 27 mamyr 2022 09:51

NUR-SULTAN. QazAqparat - Maımyl sheshegi dep atalatyn jańa vırýs kúlli álemdi alańdatyp otyr. Qaýipti vırýstyń aldyn alý kerektigin qazaqstandyq mamandar jete túsinedi. Olardyń aıtýynsha, maımyl sheshegine qarsy otandyq vaktsına jasap shyǵýǵa jarty jyldaı ýaqyt ketedi, dep habarlaıdy QazAqparat Habar 24 arnasyna silteme jasap.

Qazirdiń ózinde álemniń 14 elinde 200-den astam adam osy vırýsty juqtyrǵan. Bir aptanyń ishinde naýqastardyń sany eki ese artyp otyr.

Bul qaýipti vırýstyń Qazaqstanǵa kelýi de yqtımal deıdi mamandar.

– Iá, maımyl shesheginiń Qazaqstanǵa kelý qaýpi joǵary. Óıtkeni bizdiń týrıster Saýd Arabııasyna, Túrkııaǵa nemese Afrıka men ózge de elderge jıi barady. Sondyqtan jaman aıtpaı jaqsy joq. Qaýipti vırýs kele qalǵan jaǵdaıda biz tastúıin daıyn bolýymyz kerek, - deıdi bıologııalyq qaýipsizdik máseleleri ǴZI asa qaýipti ınfektsııalar zerthanasynyń meńgerýshisi Lesbek Qutymbetov.

Qazaq bıologııalyq qaýipsizdik máseleleri ǵylymı zertteý ınstýtýtynyń mamandary koronavırýsqa qarsy otandyq vaktsınany oılap tapqan.

Endi maımyl sheshegi máselesin erterek qolǵa alýdy kózdep otyr.

Óıtkeni Dúnıejúzilik densaýlyq saqtaý uıymynyń málimeti boıynsha maımyl sheshek vırýsy mýtatsııaǵa ushyrap, adamnan adamǵa juǵý qabiletine ıe bolǵan.

Klınıkalyq kórinisi boıynsha maımyl sheshegi erekshe qaýipti tabıǵı sheshekke óte uqsas.

– Bizdiń ınstıtýt sheshek vırýstarymen kóp jyldardan beri aınalysady. Sondyqtan tájirıbe jetkilikti. Máselen, sıyr sheshek jáne maımyl sheshek bir top desek, olardyń arasynda ımmýndyq antıgen baılanysy bar. Sondyqtan bir vırýs basqa vırýsqa qarsy ımmýnıtetti ońaı jasaı alady. Mysaly, sıyr vırýsynyń sheshek aýrýyna qarsy ımmýnıtetti qurýdaǵy belsendiligi óte joǵary, - dep atap ótti ǵalym.

Mamandar maımyl sheshegine qarsy vaktsınany jarty jyldyń ishinde jasap shyǵýǵa bolady dep otyr.

– Eger sıyr vırýsyna negizdelgen vaktsına bolsa, onda jedeldetilgen túrde, al kovıd-19 kezindegideı jumys istesek alty aıda vaktsınany daıyndap shyǵýǵa bolady. Odan keıin klınıkaǵa deıingi jáne klınıkalyq synaqtar bar. ıAǵnı Densaýlyq saqtaý mınıstrligine de baılanysty bolady. Másele olardyń bizge qanshalyqty qoldaý kórsetýinde, - deıdi ǵylymı-zertteý ınstıtýtynyń zerthana meńgerýshisi.

Dúnıejúzilik pandemııadan keıin Qazaqstannyń densaýlyq saqtaý júıesi aıtarlyqtaı nyǵaıyp, epıdemıologtar men dárigerler asa qaýipti ınfektsııalarmen tıimdi kúresýdiń tóte joldaryn tapty.


Basty sózder: Vaktsına, Ǵylym, Medıtsına, Oqıǵa,
Joǵary qaraı