Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq qoǵamnyń ózgeristerge daıyndyq ındeksi óte joǵary – Memlekettik hatshy

2020 jyldyń 29 qazan 2020 19:24

NUR-SULTAN. QazAqparat – Qazaqstandyq qoǵamnyń ózgeristerge daıyndyq ındeksi búginde óte joǵary. Qoǵamdyq sanany jańǵyrtý baǵdarlamasyn iske asyrý jónindegi Ulttyq komıssııanyń onlaın rejımde ótken otyrysynda QR Memlekettik hatshysy Qyrymbek Kósherbaev osylaı dedi, dep habarlaıdy QazAqparat tilshisi.

Aıta ketsek búgin Aqordada QR Memlekettik hatshysy Qyrymbek Kósherbaevtyń tóraǵalyǵymen Qoǵamdyq sanany jańǵyrtý baǵdarlamasyn iske asyrý jónindegi Ulttyq komıssııanyń otyrysy onlaın formatta ótkizilgen bolatyn. Otyrysta baǵdarlamany 2020 jyly iske asyrý nátıjeleri jáne aldaǵy jumystyń jańa basym baǵyttary qarastyryldy. Keńes barysynda QR Aqparat jáne qoǵamdyq damý mınıstri A. Balaeva, QR Bilim jáne ǵylym mınıstri A. Aımaǵambetov, QR Mádenıet jáne sport mınıstri A. Raıymqulova atqarylǵan jumys jóninde baıandady.




Otyrys barysynda Qyrymbek Kósherbaev «Rýhanı jańǵyrý» baǵdarlamasy Ulttyq jańǵyrýdyń ózegine aınalýy kerektigin aıtyp ótti.

«Adamzat balasy qazir kúrdeli transformatsııalyq kezeńdi basynan keshirýde. Bul kezeńnen naqty jospary, aıqyn maqsaty bar qoǵam ǵana jeńimpaz bolady. Biz bul indetti, daǵdarysty jańa damýdyń basy dep qaraýymyz kerek. Endigi kezekte «Rýhanı jańǵyrý» baǵdarlamasy Ulttyq jańǵyrýdyń ózegine aınalýy tıis. Qazaqstandyq qoǵamnyń ózgeristerge daıyndyq ındeksi búginde óte joǵary», - dep málimdedi QR Memlekettik hatshysy Qyrymbek Kósherbaev.

Otyrysta Qyrymbek Kósherbaev «Rýhanı jańǵyrý» baǵdarlamasyn Ulttyq jańǵyrý kezeńine ótkizýdiń arnaıy Jol kartasyn jasaý týraly tapsyrma berdi. Qujat aýqymdy ulttyq joba retinde júrgiziledi. Ulttyq jańǵyrý jobasynyń eń basty máni – Ulttyń básekege qabilettiligin arttyrý.

«Bul – ulttyq jańǵyrýdyń strategııalyq maqsaty bolyp qalady. Jol kartasy aıasynda memlekettik til mártebesin arttyrý, joǵary ulttyq jáne jalpyadamzattyq qundylyqtar negizinde rýhanı-adamgershilik jáne patrıottyq tárbıe berý, Eńbek adamyn qalyptastyrý, Aýyldy túletý sııaqty t.b keshendi is-sharalar qamtylady», - dedi ol.

Jol kartasynyń Elbasy men Prezıdent qoldaǵan nusqasyn Úkimet qaýlysymen bekitýdi jáne árbir memlekettik organǵa tıisti ındıkatorlardy otyrǵyzý tapsyryldy.


Joǵary qaraı