Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq mýzykant Imanbek-tiń remıksi Grammy syılyǵyna usynyldy

2020 jyldyń 25 qarasha 2020 08:28

NUR-SULTAN. QazAqparat - Qazaqstandyq mýzykant Imanbek Zeıkenovtyń SAINt JHN atty ánshiniń Roses ánine jazylǵan remıksi Grammy syılyǵyna usynyldy, dep habarlaıdy QazAqparat.

Grammy nomınanttarynyń tizimi syılyqtyń resmı saıtynda jarııalandy. Odan bólek, Imanbektiń ózi de Instagram storısinde osy qýanyshty jańalyqty bólisti.

Aıta keteıik, atalǵan remıksimen álemdik mýzyka charttarynda qara úzip alǵa shyqqan Imanbek Zeıkenov ata-anasymen birge Aqsý qalasynda turady. Ákesi - órt sóndirýshi, anasy týrıstik agenttikte jumys isteıdi.

Óziniń aıtýynsha, ol án árleýdi jergilikti dıdjeıler men prodıýserlerden jáne Youtube jelisindegi vıdeosabaqtan úırengen.







Ótken jyldyń jeltoqsanyna deıin ol jergilikti temir jol stansasynda jumys istedi. 2019 jyldyń jazynda Imanbek Saint Jhn atty reperdiń Roses atty ánin taýyp, soǵan remıks jazýdy qolǵa alady.

Bul kompozıtsııa úsh jyl buryn shyǵyp qoıǵan bolatyn. Imanbek ánge remıks jazyp, ony áleýmettik jelige jarııalady. Arada birneshe aı ótkende ol pop juldyzǵa aınaldy. Tipti, Amerıkanyń The New York Times gazetinde Imanbek jaıly maqala da jarııalandy.

Grammy — AQSh Ulttyq óner jáne dybys jazý akademııasynyń jyl saıyn tabystalatyn syılyǵy. Júldeger akademııa belsendi músheleriniń daýys berý nátıjesi arqyly anyqtalady.


Avtor Janat Qapalbaeva
Basty sózder: Mádenıet, Óner, Amerıka,
Joǵary qaraı