Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq «Nık Výıchıch» Dıego Maradonamen kezdesken sátin eske aldy

2020 jyldyń 26 qarasha 2020 19:19

NUR-SULTAN. QazAqparat - Aıaqsyz týǵan Nur-Sultan qalasynyń turǵyny Álı Turǵanbekov aty ańyzǵa aınalǵan fýtbolshy Dıego Armando Maradonamen kezdesken sátin eske aldy, dep habarlaıdy QazAqparat.

«Maǵan «máńgi esińde qalǵan kezdesý týraly aıtyńyzshy»,– degen suraq jıi qoıylady. Men birden álemge áıgili fýtbolshy Dıego Armando Maradonamen kezdeskenimdi aıtam. Bul kezdesý meıirimge toly boldy. Ári meniń júregimde máńgi saqtalady. Bul meniń alǵashqy kezdesýim boldy! Ol maǵan eki kún ýaqytyn arnady. Ol meni qatty qushaqtap, baýyryna basyp, uzaq ýaqyt jibermeı turdy»,– dep jazdy Álı Turǵanbekov Instagram-daǵy paraqshasynda.

Álı Turǵanbekovtyń aıtýynsha, chempıon Maradona júregi meıirimge toly jan bolǵan.

«Imanyńyz joldas bolsyn, qymbatty dosym, Dıego Maradona! Ol meni dosym deıtin»,– dep jazdy Álı.


Eske salsaq, 25 qarasha kúni Argentınalyq juldyz Dıego Armando Maradona 60 jasynda júrek talmasynan qaıtys boldy.

2018 jyly oqýshy Álı Turǵanbekov aty ańyzǵa aınalǵan fýtbolshy Dıego Armando Maradonamen kezdesip, onyń ıyǵyna shapan japqan bolatyn.


Avtor Alma Muqanova
Basty sózder: Sport, Qoǵam,
Joǵary qaraı