Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq oqýshylar Balqan Olımpıadasynda bes medalǵa ıe boldy

2021 jyldyń 11 qyrkúıek 2021 14:13

NUR-SULTAN. QazAqparat – Balqan olımpıadasynda qazaqstandyq oqýshylar 1 kúmis jáne 4 qola medal jeńip aldy. Zııatkerlik jarysqa 18 elden júzden astam oqýshy qatysty. Komandalyq esepte Qazaqstan ulttyq quramasy 6-shy orynǵa turaqtady, dep habarlaıdy QR BǴM baspasóz qyzmeti.

Elimizdiń atynan Nur-Sultan, Almaty jáne Qaraǵandy qalalarynan 6 oqýshy qatysty. Jeńimpazdardyń qatarynda kúmis medal ıegeri Taır Satýbaldın, qola júldegerler — Nurasyl Ábdirazaq, Rahım Baımýrzın, ıÝrıı Ten, Batyrhan Sakenov.

Qurmet gramotasymen Sam Fetýllah marapattaldy.

«Olımpıadanyń týrnırlik kúninde jas matematıkterdiń aldyna qıyn mindet qoıyldy. Olar tórt tapsyrmany sheshýi tıis boldy. Bizdiń oqýshylar Balqan elderi, sondaı-aq Ulybrıtanııa, Italııa, Ázerbaıjan, Ózbekstan jáne Qyrǵyzstan elderiniń bilim alýshylary qatysqan jarysta jaqsy nátıjeler kórsetti», — dep atap ótti «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshov.

Bıyl matematıkadan Balqan olımpıadasy 6-10 qyrkúıek aralyǵynda ótti.


Joǵary qaraı